சிறுமியிடம் ஆயுத முனையில் மிரட்டி தங்க நகைகள் கொள்ளை : தம்பதியினர் கைது !

சிறுமியிடம் ஆயுத முனையில் மிரட்டி தங்க நகைகள் கொள்ளை : தம்பதியினர் கைது ! on Wednesday, January 29, 2025

எந்தேரமுல்ல பொலிஸ் பிரிவுக்குட்பட்ட பதிலியதுடுவ பகுதியில் வீடொன்றுக்குள் புகுந்து சிறுமியின் கழுத்தில் கூர்மையான ஆயுதத்தை வைத்து மிரட்டி, கயிற்றால் கட்டி வைத்து விட்டு தங்க நகைகளை கொள்ளையடித்த குற்றச்சாட்டில் தம்பதியினர் கைது செய்யப்பட்டுள்ளனர்.

இந்த சம்பவம் நேற்று செவ்வாய்க்கிழமை (28) இடம்பெற்றுள்ளது.
எந்தேரமுல்ல பொலிஸாருக்கு கிடைத்த தகவலின் அடிப்படையில் விசாரணைகள் மேற்கொள்ளப்பட்டபோதே சந்தேக நபர்கள் கைது செய்யப்பட்டுள்ளனர்.

கைது செய்யப்பட்ட சந்தேக நபர்கள் களனி பகுதியைச் சேர்ந்த 21 மற்றும் 20 வயதுடைய திருமணமான தம்பதியினர் என பொலிஸார் தெரிவித்தனர்.

பொலிஸார் மேற்கொண்ட விசாரணையில், வீட்டின் உரிமையாளரும் அவரது மனைவியும் வெளியே சென்றிருந்த போது அவர்களின் மகள் மட்டும் வீட்டில் இருந்துள்ளதுடன் சந்தேக நபர்கள் வீட்டிற்குள் நுழைந்து, சிறுமியின் கழுத்தில் கூர்மையான ஆயுதத்தை வைத்து மிரட்டி, கயிற்றால் கட்டிவிட்டு வீட்டிலிருந்து தங்க ஆபரணங்களை கொள்ளையடித்த சென்றுள்ளதாக தெரியவந்துள்ளது.

கைது செய்யப்பட்ட சந்தேகநபர்களிடமிருந்து திருடப்பட்ட பல தங்க ஆபரணங்கள் பொலிஸார் கைப்பற்றியுள்ளனர்.

மேலும், குறித்த சம்பவம் தொடர்பில் எந்தேரமுல்ல பொலிஸார் மேலதிக விசாரணைகளை மேற்கொண்டு வருகின்றனர்.