நெய்மருடனான ஒப்பந்தத்தை முடித்துக் கொண்ட அல் ஹிலால்!

சவுதி கால்பந்தின் மிக முக்கிய கழகங்களில் ஒன்றான அல் ஹிலால், ஒரு காலத்தில் உலகின் சிறந்த வீரர்களில் ஒருவராக புகழப்பட்ட ஸ்ட்ரைக்கர் நெய்மருடனான ஒப்பந்தத்தை முடிவுக்கு கொண்டு வந்துள்ளது.

இந்த முடிவுடன், நெய்மரை மீண்டும் ஒப்பந்தம் செய்ய பிரேசிலிய கழகமான சாண்டோஸ் பேச்சுவார்த்தை நடத்தி வருகிறது.

32 வயதான பிரேசில் சர்வதேச வீரர் தனது வாழ்க்கையைத் தொடங்கிய கழகத்தில் குறுகிய கால ஒப்பந்தத்தில் கையெழுத்திடுவார் என்று எதிர்பார்க்கப்படுகிறது.

நெய்மருக்கு நெருக்கமான வட்டாரங்களின்படி, அல்-ஹிலாலில் அவரது ஒப்பந்தம் முடிவடைந்தது மிகப்பெரிய நடவடிக்கையாக கருதப்பட்டது.

2023 ஆகஸ்ட்டில் அல் ஹிலால் கழகத்துடன் 77.6 மில்லியன் பவுண்ட் ஒப்பந்தத்தில் இணைந்ததிலிருந்து 32 வயதான நெய்மர் ஏழு போட்டிகளில் மாத்திரமே விளையாடிள்ளமையும் குறிப்பிடத்தக்கது.