மட்டக்களப்பு வாவியில் பெண்ணின் சடலம் மீட்பு!

மட்டக்களப்பு நகர் வாவியில் நீரில் மூழ்கிய நிலையில் அடையாளம் காணப்படாத 65 – 70 வயது மதிக்கத்தக்க  பெண்ணொருவரின் சடலம் இன்று (சனிக்கிழமை) காலை 10 மணியளவில் மீட்கப்பட்டதாக மட்டக்களப்பு பொலிஸ் நிலைய பொறுப்புப்பதிகாரி தெரிவித்தார்.

கல்லடி பாலத்திற்கு அருகிலுள்ள வீதியில் வாவிக்கரையில் சடலம் கரையை அடைந்ததை கண்ட பொதுமக்கள் உடனடியாக பொலிஸாருக்கு தகவல் வழங்கினர்.

சம்பவ இடத்துக்கு விரைந்த பொலிஸார் சடலத்தை மீட்டு, பிரேத பரிசோதனைக்காக வைத்தியசாலைக்கு அனுப்பி நீதிமன்ற அனுமதி பெறும் நடவடிக்கைகளை மேற்கொண்டுள்ளனர்.

சம்பவத்துக்கு உரிய மேலதிக விசாரணைகளை மட்டக்களப்பு தலைமையக பொலிஸார் மேற்கொண்டு வருகின்றனர்.