வாதுவையில் ஐஸ் போதைப்பொருளுடன் ஒருவர் கைது ! வாதுவை பொலிஸ் பிரிவுக்குட்பட்ட பகுதியில், ஐஸ் போதைப்பொருளுடன் சந்தேக நபர் ஒருவர் நேற்று ஞாயிற்றுக்கிழமை (05) பொலிஸாரால் கைது செய்யப்பட்டுள்ளார்.

வாதுவை பொலிஸ் நிலைய அதிகாரிகளுக்கு கிடைத்த இரகசிய தகவலின் அடிப்படையில் மேற்கொள்ளப்பட்ட சுற்றிவளைப்பின் போதே இவர் கைது செய்யப்பட்டுள்ளார்.

கைது செய்யப்பட்ட சந்தேக நபர், பேருவளை பகுதியைச் சேர்ந்த 40 வயதுடைய ஒருவர் ஆவார்.

சந்தேக நபரிடம் இருந்து, 10 கிராம்  ஐஸ் போதைப்பொருள் பொலிஸாரால் கைப்பற்றப்பட்டுள்ளது.

இது தொடர்பான மேலதிக விசாரணைகளை வாதுவை  பொலிஸார் மேற்கொண்டு வருகின்றனர்.