பயங்கரவாத தடைச்சட்டத்தின் கீழ் மேலுமொருவர் கைது 

பொதுமக்கள் மத்தியில் குழப்பத்தை ஏற்படுத்தும் வகையிலான தகவல்களை இணையத்தில் வெளியிட்ட குற்றச்சாட்டில் கைது செய்யப்பட்டஅரசியல்வாதியும் பிரபல தொழில்முனைவோரும் சமூக ஊடக ஆர்வலருமான கெலும் ஜயசுமணவை எதிர்வரும்  04 ஆம் திகதி வரை விளக்கமறியலில்  வைக்குமாறு நீதிமன்றம் உத்தரவிட்டுள்ளது.

தமிழீழ விடுதலைப் புலிகளின் மாவீரர் தின நிகழ்வுகள் தொடர்பாக, உண்மைக்கு புறம்பான பிரசாரங்களை மேற்கொண்டு பொதுமக்கள் மத்தியில் அமைதியற்ற சூழலை ஏற்படுத்த முற்பட்ட குற்றச்சாட்டிலேயே அவர் இவ்வாறு கைது செய்யப்பட்டுள்ளார்.

அவர் மீது பயங்கரவாத தடுப்புச் சட்டத்தின் கீழ், குற்றம் விளைவித்ததாக குற்றம் சுமத்தப்பட்டுள்ளது.

நேற்று (01) அதிகாலை கைது செய்யப்பட்ட கெலும்ஜயசுமண , கொழும்பு கோட்டை கணினி குற்றப் பிரிவினரால், CCDI இல் தடுத்து வைக்கப்பட்டிருந்தமை குறிப்பிடத்தக்கது.