இரு கஞ்சா தோட்டங்கள் சுற்றிவளைப்பு ; மூவர் கைது !

இரு கஞ்சா தோட்டங்கள் சுற்றிவளைப்பு ; மூவர் கைது ! on Tuesday, November 19, 2024

மொனராகலை, கொனகங்ஆர பொலிஸ் பிரிவுக்கு உட்பட்ட பகுதியில் நேற்று திங்கட்கிழமை (18) இரண்டு கஞ்சா தோட்டங்கள் சுற்றிவளைக்கப்பட்டதில் மூன்று சந்தேக நபர்கள் கைது செய்யப்பட்டுள்ளதாக புத்தல பொலிஸ் விசேட அதிரடிப்படையினர் தெரிவித்தனர்.

புத்தல பொலிஸ் விசேட அதிரடிப்படையினருக்குக் கிடைத்த தகவலின் பேரில் மேற்கொள்ளப்பட்ட சுற்றிவளைப்பில் சந்தேக நபர்கள் கைது செய்யப்பட்டுள்ளனர்.

தணமல்வில பிரதேசத்தில் வசிக்கும் 30, 32 மற்றும் 47 வயதுடைய மூன்று நபர்களே கைது செய்யப்பட்டுள்ளனர்.

இதனையடுத்து, சந்தேக நபர்கள் மூவரும் கொனகங்ஆர பொலிஸ் நிலையத்தில் ஒப்படைக்கப்பட்டுள்ளனர்.

இது தொடர்பான மேலதிக விசாரணைகளை கொனகங்ஆர பொலிஸார் மேற்கொண்டு வருகின்றனர்.