நீரில் மூழ்கிய இருவரை காணவில்லை !

நீரில் மூழ்கிய இருவரை காணவில்லை ! on Monday, November 18, 2024

தெதிகம மற்றும் கிரிந்த பொலிஸ் பிரிவுகளில் நீரில் மூழ்கி இருவர் காணாமல் போயுள்ளனர்.

இந்த சம்பவங்கள் நேற்று (17) பதிவாகியுள்ளதாக பொலிஸ் ஊடகப் பேச்சாளர் அலுவலகம் தெரிவித்துள்ளது.

தெதிகம பொலிஸ் பிரிவிற்குட்பட்ட குருகொட ஓயாவில் நீராடச் சென்ற நபர் ஒருவர் நீரில் மூழ்கி காணாமல் போயுள்ளார்.

ஜயலத்கந்த, தெதிகம பிரதேசத்தை சேர்ந்த 27 வயதுடைய இளைஞர் ஒருவரே காணாமல் போயுள்ளார்.

காணாமற்போன நபரை தேடும் நடவடிக்கையை பொலிஸாரும் பிரதேசவாசிகளும் மேற்கொண்டு வருகின்றனர்.

இதேவேளை, கிரிந்த – யோதகண்டிய குளத்தில் நீராடச் சென்ற கிரிந்த என்ற நபர் நீரில் மூழ்கி காணாமல் போயுள்ளார்.

இவ்வாறு காணாமல் போனவர் எல்பிட்டிய, பொரவாகம பிரதேசத்தில் வசிக்கும் 42 வயதுடையவர் என தெரியவருகிறது.

விசாரணையில் சுற்றுலாவிற்கு வந்தவர்களில் ஒருவரே நீரில் மூழ்கி உயிரிழந்துள்ளதாக தெரியவந்துள்ளது.

தங்காலை பிரிவு பொலிஸ் உயிர்காப்பு பிரிவின் அதிகாரிகள் மற்றும் பிரதேசவாசிகள் காணாமல் போன நபரை தேடும் நடவடிக்கைகளை மேற்கொண்டு வருகின்றனர்.