தேர்தலில் வெற்றி பெற்ற டொனால்ட் டிரம்ப், தைரியமான மனிதர் என விளாடிமிர் புடின் வாழ்த்து தெரிவித்துள்ளார்.
ரஷ்யாவின் சோச்சி நகரில் நடைபெற்ற நிகழ்ச்சியில் பேசிய போதே ரஷ்ய அதிபர் இதனைத் தெரிவித்தார். வெள்ளை மாளிகையில் தனது முதல் பதவிக் காலத்தில் டிரம்ப் எல்லா பக்கங்களிலிருந்தும் வேட்டையாடப்பட்டார் என்று கூறினார்.
உக்ரைனில் போரை முடிவுக்கு கொண்டுவர தன்னால் உதவ முடியும் என்ற டிரம்பின் கருத்து குறைந்தபட்சம் கவனத்திற்கு உரியது என்றும் புடின் கூறினார்.
தனது பிரச்சாரத்தின் போது, டொனால்ட் டிரம்ப் மீண்டும் மீண்டும் போரை ஒரு நாளில் முடிவுக்கு கொண்டு வர முடியும் என்று கூறினார். ஆனால் அது எப்படி நடக்கும் என்பதை ஒருபோதும் விவரிக்கவில்லை.
புட்டினின் உரையின் போது, ஜூலை மாதம் டொனால்ட் டிரம்ப் மீதான படுகொலை முயற்சி குறித்தும் அவர் பேசினார். என் கருத்துப்படி, அவர் மிகவும் சரியான முறையில், தைரியமாக, ஒரு மனிதனைப் போல நடந்து கொண்டார் என்று புடின் கூறினார்.
டொனால்ட் டிரம்புடன் பேச்சுவார்த்தை நடத்தத் தயாரா என்ற கேள்விக்கு, நாங்கள் தயாராக இருக்கிறோம் என்று புதின் பதிலளித்தார்.
டிரம்ப் ஏற்கனவே நேற்று வியாழனன்று புடினுடன் பேசத் தயாராக இருப்பதாக NBC செய்தியிடம் கூறினார். நாங்கள் பேசுவோம் என்று நினைக்கிறேன்.