3வது ஒருநாள் போட்டி- இங்கிலாந்து அணியை வீழ்த்தி தொடரை கைப்பற்றிய மேற்கிந்திய அணி!

இங்கிலாந்து கிரிக்கெட் அணி தற்போது மேற்கிந்திய சுற்றுப்பயணம் மேற்கொண்டு 3 ஒருநாள் மற்றும் 5 டி20 போட்டிகள் கொண்ட தொடரில் விளையாடி வருகிறது.

இதில் முதலில் ஒருநாள் தொடர் நடைபெற்று வருகிறது. இரு அணிகளுக்கும் இடையிலான முதல் இரு ஒருநாள் போட்டிகளின் முடிவில் இரு அணிகளும் தலா ஒரு வெற்றி பெற்றிருந்தன

இந்நிலையில், இன்று ஒருநாள் தொடர் யாருக்கு என்பதை தீர்மானிக்கும் 3வது போட்டி இன்று நடைபெற்றது.

இதில் இங்கிலாந்து 50 ஓவர்களில் 8 விக்கெட்டுகளை இழந்து 263 ஓட்டங்களை எடுத்திருந்தது பின்னர் 264 ஓட்டங்கள் எடுத்தால் வெற்றி என்ற இலக்குடன் மேற்கிந்திய அணி விளையாடியது .

இன்னிலையில் மேற்கிந்திய அணி 43 ஓவர்களில் 2 விக்கெட் இழப்பிற்கு 267 ஓட்டங் களை எடுத்தது. ஒருநாள் தொடரை 2-1 என மேற்கிந்திய அணி கைப்பற்றியது.