மட்டக்களப்பில், கருணா – பிள்ளையான் குழுக்களிடையேயான மோதல் நாள்தோறும் வலுத்துவருகின்றது.
இந்நிலையில் இருவரதும் ஆதரவு குழுக்களிற்கிடையே ஏற்பட்ட கைகலப்பில் கருணா அம்மானின் ஆதரவாளர் ஒருவர் உட்பட மூவர் படுகாயமடைந்துள்ளனர்.
நேற்று (3) இரவு, ஜெயந்திபுரம் பகுதியில் பாடசாலை வீதியில் கருணாவின்; கட்சி காரியாலயத்தின் முன்னாள் 6 பேர் கொண்ட பிள்ளையான் கட்சி ஆதரவாளர்கள்; கருணா கட்சி வேட்பாளர்களது சுவரொட்டிகளை சேதமாக்கியதாக கூறப்படுகின்றது.
இதனையடுத்து கட்சி ஆதரவாளர்களுக்கும் இடையே மூண்ட வாய்த்தர்க்கத்தையடுத்து கருணாவின் வேட்பாளர் மீதும் அவரது ஆதரவாளர் மீதும் பிள்ளையான் ஆதரவாளர்கள் தாக்குதலை மேற்கொண்டதாக கூறப்படுகின்றது.
அதனையடுத்து கருணாவின் கட்சி வேட்பாளர் முனிசாமி நாகேந்திரன் மற்றும் அவரது ஆதரவாளர் இருவர் உட்பட 3 பேர் படுகாயமடைந்துள்ளனர். படுகாயமடைந்தவர்கள் மட்டக்களப்பு போதனா வைத்தியசாலையில் அனுமதிக்கப்பட்டுள்ளதாக தெரியவருகின்றது.