போதையில் ஒன்பதாவது மாடியிலிருந்து விழுந்து பெண் ஒருவர் உயிரிழப்பு !

போதையில் ஒன்பதாவது மாடியிலிருந்து விழுந்து பெண் ஒருவர் உயிரிழப்பு ! on Friday, November 01, 2024

கொழும்பில், சொகுசு அடுக்குமாடி குடியிருப்பின் ஒன்பதாவது மாடியிலிருந்து விழுந்து பெண் ஒருவர் உயிரிழந்துள்ளார்.

நாரஹேன்பிட்டி கிரிமண்டல மாவத்தையில் உள்ள ஆக்டீரியா ரெசிடென்ஸ் ஒன்பதாவது மாடியில் உள்ள வீட்டை இப்பெண் துப்புரவு செய்துள்ளார். இதன்போதே, இப்பெண் கீழே விழுந்துள்ளதாக பொலிஸார் தெரிவித்துள்ளனர்.இதில், 29 வயதான லோரா இமாஷா டென்சி என்ற திருமணமாகாத பெண் ஒருவரே உயிரிழந்தார்.

உயிரிழந்த பெண் கடந்த சில மாதங்களுக்கு முன்னர், இந்த சொகுசு அடுக்குமாடி குடியிருப்பில் வாடகைக்கு வீடு எடுத்து, தனியாக வசித்து வந்தமை விசாரணையில் மேலும் தெரியவந்துள்ளது.

இப்பெண், மது அருந்தியதாகவும் மன அழுத்தத்தில் இருப்பதாகவும் பெண்ணின் தாயார் பொலிஸாரிடம் வாக்குமூலம் அளித்துள்ளார்.

மரணம் தொடர்பான உண்மைகள் மற்றும் நீதிமன்ற அறிக்கைகளை கேட்டறிந்த நீதவான், சம்பவ இடத்தில் ஆய்வு மற்றும் பிரேத பரிசோதனையை நடத்தி, பிரேத பரிசோதனை நடத்த உத்தரவிட்டார்.

உயிரிழந்த பெண் குதித்தார விழுந்தாரா என விசாரணைகள் மேற்கொள்ளப்படுகின்றன.