6
கொழும்பு காலிமுகத்திடலுக்கு அருகில் விபத்து ; ஏழு பேர் காயம் கொழும்பு காலிமுகத்திடலுக்கு அருகில் இடம்பெற்ற விபத்தில் ஏழு பேர் காயமடைந்துள்ளதாகப் புறக்கோட்டை பொலிஸார் தெரிவித்தனர்.
இந்த விபத்து இன்று வியாழக்கிழமை (31) பிற்பகல் இடம்பெற்றுள்ளது.
முச்சக்கரவண்டி ஒன்று மோட்டார் சைக்கிள் மற்றும் கார் ஒன்றின் மீது மோதியதில் இந்த விபத்து இடம்பெற்றுள்ளது.
விபத்தின் போது முச்சக்கரவண்டியில் பயணித்த ஐவரும் மோட்டார் சைக்கிளில் பயணித்த இருவரும் காயமடைந்துள்ளனர்.
காயமடைந்தவர்கள் கொழும்பு தேசிய வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.
இது தொடர்பான மேலதிக விசாரணைகளைப் புறக்கோட்டை பொலிஸார் மேற்கொண்டு வருகின்றனர்.