லொறியும் வேனும் மோதி விபத்து – 9 பேர் உயிரிழப்பு

பஞ்சாபில் இன்று காலை லொரியும் வேனும் மோதி ஏற்பட்ட விபத்தில் 9 பேர் உயிரிழந்தனர்.

பஞ்சாபில் பெரோஷ்பூர் மாவட்டத்தை சேர்ந்த 20 பேர் ஜலாலாபாத் நகரில் நடைபெறவிருந்த திருமண நிகழ்ச்சியில் பங்கேற்க இன்று காலை வேனில் சென்றுகொண்டிருந்த போதே இந்த விபத்து நேர்ந்துள்ளது.

பெரோஷ்பூர் -பாசில்கா நெடுஞ்சாலையில் கொல்காமவுர் கிராம் அருகே காலை 7.45 மணியளவில் வாகனம் வந்துகொண்டிருந்தபோது ஓட்டுநர் கட்டுப்பாட்டை இழந்து சாலையோரம் நிறுத்தப்பட்டிருந்த லொரி மீது மோதியுள்ளார். இந்த கோர விபத்தில் 9 பேர் உயிரிழந்ததோடு, பலர் படுகாயமடைந்ததாக தெரிவிக்கப்பட்டுள்ளது.

தகவலறிந்து சம்பவ இடத்துக்கு விரைந்த பொலிஸார் உள்ளூர் மக்களுடன் சேர்ந்து காயமடைந்தவர்களை மீட்டு மருத்துவமனைக்கு அனுப்பி வைத்தனர். விபத்து குறித்த விசாரணைகளை முன்னெடுத்துள்ளனர்.