மட்/பட்/குருமண்வெளி கனிஸ்ட வித்தியாலயத்தில் புதிய மாணவர்களை வரவேற்றல் on Thursday, January 30, 2025
(சித்தா)
மட்/பட்/குருமண்வெளி கனிஸ்ட வித்தியாலயத்தில் 2025 ஆம் ஆண்டுக்கான புதிய மாணவர்களை வரவேற்கும் நிகழ்வு பாடசாலை அதிபர் சீ.சுதாகரன் தலைமைiயில் வித்தியாலய மண்டபத்தில் நடைபெற்றது.
இந் நிகழ்வின் பிரதம அதிதியாக பாடசாலை பட்டிருப்பு கல்வி வலயத்தின் EPSI இணைப்பாளர் எஸ்.சேகர், சிறப்பு அதிதியாக மட்/பட்/குருமண்வெளி சிவசக்தி மகா வித்தியாலயத்தின் அதிபர் சோ.செல்வம் இவர்களுடன் கௌரவ அதிதியாக ஓய்வு நிலை அதிபர்களான கோ.கைலாயபிள்ளை, ந.புட்பமூர்த்தி, ஆ.உதயகுமார், வி.புஸ்பராசா ஆகியோர் கலந்து சிறப்பித்தனர்.
புதிய மாணவர்களை அன்புடன் வரவேற்கும் நிகழ்வில் மங்கள விளக்கேற்றல், இறைவணக்கம், வரவேற்பு நடனம், வரவேற்புரை, சிறப்புரைகள் என்பன இடம்பெற்றன. நிகழ்வின் இறுதியில் தமிழ்மொழி வாழ்த்தும் இசைக்கப்பட்டது.