குடிபோதையில் வாகனத்தை செலுத்தி விபத்தை ஏற்படுத்திய பொலிஸ் கான்ஸ்டபிள் கைது !

குடிபோதையில் வாகனத்தை செலுத்தி விபத்தை ஏற்படுத்திய பொலிஸ் கான்ஸ்டபிள் கைது ! on Wednesday, January 29, 2025

குடிபோதையில் வாகனத்தை செலுத்தி விபத்தை ஏற்படுத்தியதற்காக பொலிஸ் கான்ஸ்டபிள் ஒருவர் கைது செய்யப்பட்டுள்ளார்.

ரத்மலானை மெலிபன் சந்தியில் இருந்து மொரட்டுவை நோக்கிச் சென்ற பொலிஸ் ஜீப் வண்டியுடன் முச்சக்கர வண்டி ஒன்று மோதியதில் நேற்று (28) அதிகாலை இந்த விபத்து நிகழ்ந்துள்ளது.

விபத்து நிகழும் வேளையில் பொலிஸ் ஜீப்பை செலுத்திய பொலிஸ் கான்ஸ்டபிள் மது அருந்தியிருந்தது தெரியவந்துள்ளது.

அதன்படி, குடிபோதையில் வாகனம் செலுத்தி விபத்து ஏற்படுத்தி, காயங்களை ஏற்படுத்தியதற்காக பொலிஸ் கான்ஸ்டபிள் கைது செய்யப்பட்டதாக பொலிஸார் தெரிவிக்கின்றனர்.

கைது செய்யப்பட்ட பொலிஸ் கான்ஸ்டபிள் ஹிக்கடுவ பகுதியைச் சேர்ந்த 28 வயதுடைய எனவும் தெரிவிக்கப்படுகின்றது.

சந்தேக நபர் நேற்று (28) கல்கிஸ்ஸை நீதவான் நீதிமன்றத்தில் ஆஜர்படுத்தப்பட்ட பின்னர் 1 லட்சம் ரூபா சரீரப் பிணையில் விடுவிக்கப்பட்டார்.

மேலும், ஒழுக்கத்தை மீறியதற்காக அந்த அதிகாரி மீது ஒழுங்கு நடவடிக்கை எடுக்கப்படும் என்று பொலிஸார் தெரிவித்துள்ளனர்.

விபத்தில் காயமடைந்த முச்சக்கர வண்டியின் சாரதி களுபோவில வைத்தியசாலையில் சிகிச்சையின் பின் அங்கிருந்து வௌியேறியுள்ளதாக தெரிவிக்கப்படுகின்றது.