கம்பளை – கண்டி பிரதான வீதியில் விபத்து ; ஒருவர் பலி கம்பளை-கண்டி பிரதான வீதியில்  குருதெனிய பகுதியில் இன்று புதன்கிழமை (22) காலை இடம்பெற்ற விபத்தில் ஒருவர் உயிரிழந்துள்ளதாக தவுலகல  பொலிஸார் தெரிவித்தனர்.

கார் ஒன்று வீதியை விட்டு விலகி மோட்டார் சைக்கிள் மீது மோதியதில் இந்த விபத்து இடம்பெற்றுள்ளது.

விபத்தின் போது மோட்ாடர் சைக்கிளின் செலுத்துனர் உயிரிழந்துள்ளதாக பொலிஸார் தெரிவித்தனர்.

கம்பளை, கிராஉல்ல பகுதியைச் சேர்ந்த 58 வயதுடைய நபரே உயிரிழந்துள்ளார்.

மேசன்  வேலை,  மின்சார தொழில்  போன்ற பல்வேறு தொழில்களில் ஈடுபட்டுள்ள இவர், இன்றைய தினம் காலை கெலிஒயா பகுதியில் உள்ள கோவிலுக்குச் சென்று அன்னதானம் செய்துவிட்டு பின்னர் வேலைக்குச் சென்று கொண்டிருந்த போது விபத்தில் சிக்கி உயிரிழந்துள்ளதாக பொலிஸ் விசாரணையில் தெரியவந்துள்ளது.

காரின் சாரதி உறங்கியதால் விபத்து ஏற்பட்டிருக்கலாம் என்று பொலிஸார் சந்தேகிக்கின்றனர்.

உயிரிழந்தவரின் சடலம் பேராதனை வைத்தியசாலையில் வைக்கப்பட்டுள்ளது.

தவுலகல பொலிஸார் மேலதிக விசாரணைகளை மேற்கொண்டு வருகின்றனர்.