வீடொன்றில் புதையல் தோண்டிய நால்வர் கைது !

வீடொன்றில் புதையல் தோண்டிய நால்வர் கைது ! on Friday, January 03, 2025

அநுராதபுரம், மிஹிதுபுர பிரதேசத்தில் உள்ள வீடொன்றில் புதையல் தோண்டியதாக கூறப்படும் வீட்டின் பெண் உரிமையாளர் உட்பட நால்வர் நேற்று வியாழக்கிழமை (02) கைது செய்யப்பட்டுள்ளதாக அநுராதபுரம் தலைமையக பொலிஸார் தெரிவித்தனர்.

பொலிஸாருக்கு கிடைத்த தகவலின் பேரில் மேற்கொள்ளப்பட்ட சோதனையில் சந்தேக நபர்கள் கைது செய்யப்பட்டுள்ளனர்.

மிஹிதுபுர பிரதேசத்தை சேர்ந்த 61 வயதுடைய பெண் ஒருவரும், குருணாகல், கிரிமெட்டியாவ மற்றும் பதவிய ஆகிய பிரதேசங்களில் வசிக்கும் 26 முதல் 35 வயதுக்குட்பட்ட மூவருமே கைது செய்யப்பட்டுள்ளனர்.

இந்த வீட்டின் கீழ் உள்ள தரையில் புதையல் இருப்பதாக வீட்டின் பெண் உரிமையாளரிடம் ஒருவர் கூறியதையடுத்து, சந்தேக நபர்கள் நால்வரும் இணைந்து பெரும் பணத்தை செலவிட்டு வீட்டின் தரையை தோண்டியுள்ளதாக பொலிஸார் தெரிவித்தனர்.

கைது செய்யப்பட்ட சந்தேக நபர்கள் நால்வரும் இன்று வெள்ளிக்கிழமை (03) நீதிமன்றத்தில் ஆஜர்படுத்தப்படவுள்ளனர்.