உள்நாட்டு வழித்தடங்களில் விமானத்தில் இலவச இணைய அணுகல் (Wi-Fi) வழங்கும் முதல் இந்திய விமான நிறுவனம் என்ற பெருமையை ஏர் இந்தியா பெற்றுள்ளது.
அதன்படி, ஏர் இந்தியாவின் உள்நாட்டுப் பயணிகள் இப்போது இணையத்தில் உலாவவும், சமூக ஊடகங்களை அணுகவும், ஆன்லைன் பணிகளை மேற்கொள்ளவும் அல்லது விமானங்களில் இருந்து நண்பர்கள் மற்றும் குடும்பத்தினருடன் செய்திகள் மற்றும் அரட்டைகளை மேற்கொள்ளவும் முடியும்.
ஜனவரி 1, 2025 முதல், ஏர் இந்தியாவின் அ ஏர்பஸ் ஏ350, போயிங் 787-9 மற்றும் தேர்ந்தெடுக்கப்பட்ட ஏர்பஸ் ஏ321 நியோ விமானங்கள் மூலம் இயக்கப்படும் அனைத்து ஏர் இந்தியா விமானங்களிலும் பயணிகள் மேலதிக கட்டணமின்றி இலவச இணையத்துக்கான வசதியை பெற முடியும் என விமான நிறுவனம் புதன்கிழமை அறிவித்தது.
இந்த புதிய சேவையின் மூலம், பயணிகளின் பயண அனுபவத்தை மேம்படுத்துவதை விமான நிறுவனம் நோக்கமாகக் கொண்டுள்ளது.
எதிர்காலத்தில் மேலும் பல விமானங்களுக்கு இந்த சேவையை விரிவுபடுத்த திட்டமிட்டுள்ளதாகவும் ஏர் இந்தியா தெரிவித்துள்ளது.
Wi-Fi சேவையானது iOS அல்லது Android இல் இயங்கும் மடிக்கணினிகள், டேப்லெட்டுகள் மற்றும் ஸ்மார்ட்போன்கள் உட்பட பல சாதனங்களுக்கான இலவச இணைய சேவையை வழங்கும்.
இந்த நடவடிக்கையின் மூலம், ஏர் இந்தியா இந்திய விமானப் போக்குவரத்தில் ஒரு அளவுகோலை அமைப்பது மட்டுமல்லாமல், புதுமை மற்றும் வாடிக்கையாளர் திருப்திக்கான அதன் உறுதிப்பாட்டை மீண்டும் உறுதிப்படுத்துகிறது.
பணிகளுக்காகவோ அல்லது பொழுதுபோக்காகவோ, 35,000 அடி உயரத்தில் இணையச் சேவையில் இணைந்திருப்பது ஒருபோதும் எளிதான விடயம் அல்ல என்பதும் குறிப்பிடத்தக்கது.