10 மில்லியன் பெறுமதியான வெளிநாட்டு சிகரெட் மற்றும் விஸ்கியை கடத்தியதற்காக 45 வயது வணிகர் ஒருவர் கைது செய்யப்பட்டார். கடத்தல்காரர் பண்டாரநாயக்க சர்வதேச விமான நிலையத்தில் இன்று செவ்வாய்க்கிழமை காலை காவல்துறையினரால் கைது செய்யப்பட்டார்.
சந்தேகநபர் கொழும்பு 14, பிரின்ஸ் ஒப் வேல்ஸ் வீதியை வசிப்பிடமாகக் கொண்டவர் என்பதுடன் வர்த்தக நோக்கத்திற்காக அடிக்கடி விமானப் பயணத்தில் ஈடுபடுபவர் எனத் தெரிவிக்கப்படுகிறது.
இவர் டிசம்பர் 31 ஆம் திகதி அதிகாலை 3:50 மணிக்கு இந்தியாவின் பெங்களூரில் இருந்து இண்டிகோ ஏர்லைன்ஸ் விமானத்தில் (6E-1164) கட்டுநாயக்க விமான நிலையத்தை வந்தடைந்தார்.
சந்தேக நபர் ஐந்து பயணப் பைகளுக்குள் வெளிநாட்டில் தயாரிக்கப்பட்ட சிகரெட் பிராண்டுகளை மறைத்து வைத்திருந்ததை அதிகாரிகள் கண்டுபிடித்தனர்.
மேலும், அதே லக்கேஜில் 125 வெளிநாட்டு இறக்குமதி செய்த மது போத்தல்களும் மறைத்து வைக்கப்பட்டிருந்தன.
இதேவேளை, எதிர்வரும் பண்டிகைக் காலத்தில் இலங்கையின் பல்வேறு மாகாணங்களில் உள்ள மதுபானக் கடைகள் மற்றும் உணவகங்களில் இந்தப் பொருட்கள் விற்பனை செய்யப்பட திட்டமிடப்பட்டிருந்தமை தெரியவந்தது.
சட்டவிரோதமான முறையில் பொருட்களை இறக்குமதி செய்ததாக வர்த்தகர் மீது குற்றம் சுமத்தப்பட்டுள்ளதுடன், அவர் இன்று மகொன நீதவான் நீதிமன்றில் முன்னிலைப்படுத்தப்படவுள்ளார்.
கட்டுநாயக்க காவல்துறைப் பொறுப்பதிகாரியின் மேற்பார்வை மற்றும் வழிகாட்டலின் கீழ் மேலதிக விசாரணைகள் மேற்கொள்ளப்பட்டு வருகின்றன.