கிழக்கு மாகாண ஆளுநர் ஜயந்தலால் ரத்னசேகரவுக்கும், இலங்கைக்கான இந்திய உயர்ஸ்தானிகராலயத்தின் கல்விக்கான முதன்மைச் செயலாளர் சந்தீப் சௌத்ரிக்கும் இடையிலான கலந்துரையாடல் இன்று திருகோணமலை ஆளுநர் அலுவலகத்தில் இடம்பெற்றது.
இதன்போது, இந்திய அரசாங்கத்தின் மில்லியன் 2371 நிதியுதவியின் கீழ் கிழக்கு மாகாணத்தில் மேற்கொள்ள உத்தேசிக்கப்பட்டுள்ள திட்டங்கள் தொடர்பில் கலந்துரையாடப்பட்டதுடன், அதற்குரிய ஆதரவை வழங்குவதாகவும் ஆளுநர் தெரிவித்தார்.
இதேவேளை, இலங்கை மற்றும் கிழக்கு மாகாணத்திற்கு இந்திய அரசாங்கம் ஏற்கனவே வழங்கி வரும் உயர்கல்வி புலமைப்பரிசில்கள் குறித்து இங்கு தெரிவித்த இந்திய செயலாளர், இலங்கையின் கல்வி, சுகாதாரம் மற்றும் விவசாயம் ஆகிய துறைகளின் மேம்பாட்டிற்கு இந்திய அரசாங்கம் பூரண ஆதரவை வழங்கும் எனவும் உறுதியளித்தார்.
கிழக்கு மாகாண பிரதம செயலாளர் ஆர்.எம்.பி.எஸ். ரத்நாயக்க, கிழக்கு மாகாண ஆளுனர் செயலாளர் ஜே.எஸ்.அருள்ராஜ் ஆகியோர் இந்த சந்திப்பில் கலந்துகொண்டனர்.