3
பொலன்னறுவையில் காட்டு யானை தாக்கி வயோதிபர் உயிரிழப்பு! பொலன்னறுவை, பக்கமுன, புத்துருவயாய பிரதேசத்தில் காட்டு யானை தாக்கி வயோதிபர் ஒருவர் உயிரிழந்துள்ளதாக பக்கமுன பொலிஸார் தெரிவித்தனர்.
இந்த சம்பவம் நேற்று ஞாயிற்றுக்கிழமை (22) அதிகாலை இடம்பெற்றுள்ளது.
பக்கமுன , புத்துருவயாய பிரதேசத்தைச் சேர்ந்த 60 வயதுடைய வயோதிபரே உயிரிழந்துள்ளார்.
சம்பவத்தன்று, உயிரிழந்த வயோதிபர் தனது வீட்டிற்கு வெளியே சென்றுள்ள நிலையில் காட்டு யானையால் தாக்கப்பட்டு சம்பவ இடத்திலேயே உயிரிழந்துள்ளதாக பொலிஸார் மேலும் தெரிவித்தனர்.