ஜனாதிபதியின் அமைச்சுகளுக்கு பதில் அமைச்சர்கள் நியமனம் !

ஜனாதிபதியின் அமைச்சுகளுக்கு பதில் அமைச்சர்கள் நியமனம் ! on Sunday, December 15, 2024

ஜனாதிபதி அநுர குமார திசாநாயக்க உத்தியோகபூர்வ விஜயமொன்றை மேற்கொண்டு நாட்டிலிருந்து புறப்பட்டுச் சென்றதன் காரணமாக 5 அமைச்சுக்களுக்கு பதில் அமைச்சர்கள் நியமிக்கப்பட்டுள்ளனர்.

அதன்படி, ஜனாதிபதியின் கீழ் காணப்படும் டிஜிட்டல் பொருளாதாரம், பாதுகாப்பு அமைச்சு மற்றும் நிதி மற்றும் திட்டமிடல், பொருளாதார அபிவிருத்தி அமைச்சு ஆகிய 03 அமைச்சுக்களுக்கும், வெளிநாட்டு அலுவல்கள், வெளிநாட்டு வேலைவாய்ப்பு மற்றும் சுற்றுலாத்துறை அமைச்சு மற்றும் தொழில் அமைச்சு ஆகியவற்றுக்கு பதில் அமைச்சர்கள் நியமிக்கப்பட்டுள்ளனர்.

அதற்கமைய,

பதில் டிஜிட்டல் பொருளாதார அமைச்சர் – பொறியியலாளர் எரங்க வீரரத்ன (டிஜிட்டல் பொருளாதார பிரதி அமைச்சர்)

பதில் பாதுகாப்பு அமைச்சர் – அருண ஜயசேகர (பாதுகாப்பு பிரதி அமைச்சர்)

நிதி மற்றும் திட்டமிடல், பொருளாதார அபிவிருத்தி பதில் அமைச்சர் – கலாநிதி ஹர்ஷன சூரியப்பெரும (நிதி மற்றும் திட்டமிடல் பிரதி அமைச்சர்)

வெளிநாட்டு அலுவல்கள், வெளிநாட்டு வேலைவாய்ப்பு மற்றும் சுற்றுலா பதில் அமைச்சசர் – அருண் ஹேமசந்திர (வெளிநாட்டு வேலைவாய்ப்பு பிரதி அமைச்சர்)

பதில் தொழில் அமைச்சர் – மஹிந்த ஜயசிங்க (பிரதி தொழில் அமைச்சர்)

ஆகியோர் நியமிக்கப்பட்டுள்ளனர்.