ஒரு கடையில் பொருட்களை திருடி வேறு கடையில் விற்க முயன்ற நபர்கள் !

ஒரு கடையில் பொருட்களை திருடி வேறு கடையில் விற்க முயன்ற நபர்கள் ! on Wednesday, December 04, 2024

சில்லறைக் கடையொன்றை உடைத்து, அதிலிருந்த பொருட்களை திருடி வேறு கடைக்கு விற்பனை செய்ய முயன்ற நபர் கைது செய்யப்பட்டுள்ளார்.

வாழைச்சேனை பொலிஸ் பிரிவுக்குட்பட்ட நாவலடி பகுதியிலுள்ள சில்லறைக் கடையொன்று திங்கட்கிழமை இரவு (02) கொள்ளையடிக்கப்பட்டிருந்தது.

கொள்ளையடிக்கப்பட்ட கடையினை வாழைச்சேனை பொலிஸ் நிலைய பொறுப்பதிகாரி நேரில் சென்று பார்வையிட்டு சந்தேக நபரை கைது செய்ய நடவடிக்கை எடுத்திருந்தார்.

இந்நிலையில், பொருட்களை கொள்ளையிட்ட இரண்டு சந்தேக நபர்கள், பொருட்களை ரிதிதென்னை பகுதியில் உள்ள கடையொன்றுக்கு விற்பனைக்காக எடுத்துச் சென்றபோது ஒருவர் தப்பிச் சென்றுள்ளார்.

அதனையடுத்து, ஒருவர் வாழைச்சேனை பொலிஸாரால் கைது செய்யப்பட்டுள்ளார்.