கல்முனை பெரியநீலாவனையில் ஐஸ் போதைப்பொருளுடன் ஒருவர் கைது ! on Monday, December 02, 2024
கல்முனை – பெரியநீலாவனை பொலிஸ் பிரிவிற்குட்பட்ட பகுதியில், ஐஸ் போதைப்பொருளை வைத்திருந்த சந்தேக நபர் ஒருவர் நேற்று முன்தினம் சனிக்கிழமை (30) பொலிஸாரால் கைது செய்யப்பட்டுள்ளார்.
பொலிஸ் விஷேட அதிரடிப்படையின் கல்முனை முகாமை சேர்ந்த அதிகாரிகள் குழுவொன்று மேற்கொண்ட சுற்றிவளைப்பின் போதே இவர் கைது செய்யப்பட்டுள்ளார்.
கைது செய்யப்பட்ட சந்தேக நபர் , பொல்கஹவெல பகுதியைச் சேர்ந்த 32 வயதுடையவர் ஆவார்.
சந்தேக நபரிடம் இருந்து , 05 கிராம் 340 மில்லி கிராம் ஐஸ் போதைப்பொருள் பொலிஸாரால் கைப்பற்றப்பட்டுள்ளது.
இதனையடுத்து , சந்தேக நபர் மேலதிக விசாரணைகளுக்காக பெரியநீலாவனை பொலிஸ் நிலையத்தில் ஒப்படைக்கப்பட்டுள்ளார்.
இதுதொடர்பான , மேலதிக விசாரணைகளை பெரியநீலாவனை பொலிஸார் மேற்கொண்டு வருகின்றனர்.