கல்கிசையில் போதைப்பொருட்களுடன் ஒருவர் கைது !

கல்கிசையில் போதைப்பொருட்களுடன் ஒருவர் கைது ! கல்கிசை பொலிஸ் பிரிவுக்கு உட்பட்ட பகுதியில் ஐஸ் மற்றும் ஹெரோயின் போதைப்பொருட்களுடன் சந்தேக நபர் ஒருவர் நேற்று ஞாயிற்றுக்கிழமை (17) கைது செய்யப்பட்டுள்ளதாக பொலிஸ் விசேட அதிரடிப்படையினர் தெரிவித்தனர்.

பொலிஸ் விசேட அதிரடிப்படையினருக்குக் கிடைத்த தகவலின் பேரில் மேற்கொள்ளப்பட்ட சுற்றிவளைப்பின் போதே சந்தேக நபர் கைது செய்யப்பட்டுள்ளார்.

கைது செய்யப்பட்ட சந்தேக நபர் கல்கிஸ்ஸை பிரதேசத்தைச் சேர்ந்த 33 வயதுடையவர் ஆவார்.

சந்தேக நபரிடம் இருந்து 15 கிராம் 555 மில்லிகிராம் ஐஸ் போதைப்பொருள், 840 மில்லிகிராம் ஹெரோயின் போதைப்பொருள் மற்றும் போதைப்பொருள் கடத்தல் மூலம் சம்பாதித்துள்ளதாக சந்தேகிக்கப்படும் 14,500 ரூபா பணம் என்பன கைப்பற்றப்பட்டுள்ளது.

இதனையடுத்து, கைது செய்யப்பட்ட சந்தேக நபர் மேலதிக விசாரணைகளுக்காக கல்கிசை பொலிஸ் நிலையத்தில் ஒப்படைக்கப்பட்டுள்ளார்.

இது தொடர்பான மேலதிக விசாரணைகளை கல்கிசை பொலிஸார் மேற்கொண்டு வருகின்றனர்.