போதைப்பொருட்களுடன் தாய்லாந்து பெண் கட்டுநாயக்கவில் கைது !

போதைப்பொருட்களுடன் தாய்லாந்து பெண் கட்டுநாயக்கவில் கைது ! on Friday, November 15, 2024

18 கோடி 60 இலட்சம் ரூபா பெறுமதியான போதைப்பொருட்களுடன் தாய்லாந்து பெண் ஒருவர் கட்டுநாயக்க விமான நிலையத்தில் வைத்து விமான நிலைய பொலிஸ் போதைப்பொருள் தடுப்பு பிரிவினரால் நேற்று வியாழக்கிழமை (14) இரவு இடம்பெற்றுள்ளது.

37 வயதுடைய தாய்லாந்து பெண் ஒருவரே கைது செய்யப்பட்டுள்ளார்.

சந்தேக நபர் தாய்லாந்தின் பேங்கொக் நகரத்திலிருந்து நேற்றைய தினம் இரவு 11.55 மணியளவில் கட்டுநாயக்க விமான நிலையத்தை வந்தடைந்துள்ளார்.

பின்னர் சந்தேக நபர் Green Channel வழியாக விமான நிலையத்தை விட்டு வெளியேற முயன்ற போது விமான நிலைய பொலிஸ் போதைப்பொருள் தடுப்பு பிரிவினரால் சோதனைக்கு உட்படுத்தப்பட்டுள்ளார்.

இதன்போது சந்தேக நபர் கொண்டு வந்த பயணப் பொதிகளிலிருந்து 22 கிலோ நிறையுடைய குஷ் மற்றும் ஹாஷ் ஆகிய போதைப்பொருட்கள் கைப்பற்றப்பட்டுள்ளன.

இதனையடுத்து கைது செய்யப்பட்ட சந்தேக நபர் மேலதிக விசாரணைகளுக்காக கட்டுநாயக்க விமான நிலைய பொலிஸாரிடம் ஒப்படைக்கப்பட்டுள்ளார்.

சந்தேக நபர் இன்று வெள்ளிக்கிழமை (15) நீர்கொழும்பு நீதிமன்றில் ஆஜர்படுத்தப்படவுள்ளதாக கட்டுநாயக்க விமான நிலைய பொலிஸார் தெரிவித்தனர்.