பல்வேறு திருட்டு சம்பவங்களுடன் தொடர்புடைய மூவர் கைது !

பல்வேறு திருட்டு சம்பவங்களுடன் தொடர்புடைய மூவர் கைது ! on Friday, November 08, 2024

பல்வேறு திருட்டு சம்பவங்களுடன் தொடர்புடைய மூன்று சந்தேக நபர்கள் நேற்று வியாழக்கிழமை (07) கைது செய்யப்பட்டுள்ளதாக ஹிக்கடுவை பொலிஸார் தெரிவித்தனர்.

இது தொடர்பில் தெரியவருவதாவது,

ஹிக்கடுவை பொலிஸாருக்குக் கிடைத்த தகவலின் பேரில் ஹிக்கடுவை , பன்னம்கொட பிரதேசத்தில் மேற்கொள்ளப்பட்ட சுற்றிவளைப்பில் பல்வேறு திருட்டு சம்பவங்களுடன் தொடர்புடைய பிரதான சந்தேக நபரொருவர் நேற்றைய தினம் காலை கைது செய்யப்பட்டுள்ளார்.

பூஸா பிரதேசத்தில் வசிக்கும் 29 வயதுடைய நபரொருவரே இவ்வாறு கைது செய்யப்பட்டுள்ளார்.

கைது செய்யப்பட்ட சந்தேக நபரிடம் மேற்கொள்ளப்பட்ட விசாரணையில் இந்த திருட்டு சம்பவங்களுக்கு உதவி செய்ததாகக் கூறப்படும் மேலும் இரண்டு சந்தேக நபர்கள் நேற்றைய தினம் மாலை கைது செய்யப்பட்டுள்ளனர்.

கைது செய்யப்பட்டவர்கள் பூஸா பிரதேசத்தில் வசிக்கும் 28 மற்றும் 43 வயதுடையவர்கள் ஆவார்.

கைது செய்யப்பட்ட சந்தேக நபர்களிடமிருந்து வெளிநாட்டு நாணயத்தாள்கள், தங்க நகைகள் மற்றும் 08 கிராம் 840 மில்லி கிராம் ஐஸ் போதைப்பொருள் உள்ளிட்ட பல்வேறு பொருட்கள் பொலிஸாரால் கைப்பற்றப்பட்டுள்ளன.

இது தொடர்பான மேலதிக விசாரணைகளை ஹிக்கடுவை பொலிஸார் மேற்கொண்டு வருகின்றனர்.