நீர்கொழும்பில் சட்டவிரோத மதுபானத்துடன் இளைஞன் கைது

நீர்கொழும்பில் சட்டவிரோத மதுபானத்துடன் இளைஞன் கைது நீர்கொழும்பு பொலிஸ் பிரிவுக்கு உட்பட்ட குட்டிதுவ பிரதேசத்தில் சட்டவிரோத மதுபானத்துடன் இளைஞன் ஒருவன் நேற்று வியாழக்கிழமை (07) கைது செய்யப்பட்டுள்ளதாக நீர்கொழும்பு பொலிஸார் தெரிவித்தனர்.

நீர்கொழும்பு பொலிஸாருக்குக் கிடைத்த தகவலின் பேரில் மேற்கொள்ளப்பட்ட சுற்றிவளைப்பின் போதே சந்தேக நபர் கைது செய்யப்பட்டுள்ளார்.

கைது செய்யப்பட்டவர் நீர்கொழும்பு கொச்சிக்கடை பிரதேசத்தில் வசிக்கும் 24 வயதுடைய இளைஞன் ஆவார்.

சந்தேக நபரிடமிருந்து 75 லீற்றர் 750 மில்லி லீற்றர் (77 போத்தல்கள்) சட்டவிரோத மதுபானம் பொலிஸாரால் கைப்பற்றப்பட்டுள்ளது.

இது தொடர்பான மேலதிக விசாரணைகளை நீர்கொழும்பு பொலிஸார் மேற்கொண்டு வருகின்றனர்.