பொதுத்தேர்தல் : தம்பலகாமம் பிரதேச செயலகத்தில் அமைதியாக நடைபெற்ற தபால் மூல வாக்களிப்பு பாராளுமன்றத் தேர்தலுக்கான தபால் மூல வாக்களிப்பு இன்று (04) தம்பலகாமம் பிரதேச செயலகத்தில் நடைபெற்றது.
தம்பலகாமம் பிரதேச செயலாளர் ஜெ.ஸ்ரீபதியின் கண்காணிப்பின் கீழ் தபால் மூல வாக்களிப்பு அமைதியான முறையில் நடைபெற்றது.
பிரதேச செயலகத்தின் 116 உத்தியோகத்தர்கள், சமூக நீர்வழங்கல் சபையின் 05 உத்தியோகத்தர்கள், கால்நடை திணைக்களத்தின் 02 உத்தியோகத்தர்கள் என மொத்தமாக 123 வாக்காளர்கள் இத்தபால் மூல வாக்களிப்புக்கு தகுதி பெற்றிருந்தனர்.
சுமூகமான முறையில் நடைபெற்ற தபால் மூல வாக்களிப்பின்போது அதனை கண்காணிக்க பெப்ரல் அமைப்பு மற்றும் அரச கண்காணிப்பினரும் களத்தில் இருந்தமை குறிப்பிடத்தக்கது.