2024 கல்விப் பொதுத் தராதர சாதாரண தரப் பரீட்சைக்கான விண்ணப்பங்களை கோரும் பணி இன்று (05) ஆரம்பமாகிறது.
இணையவழியில் அனுப்பப்படும் விண்ணப்பங்கள் மட்டுமே ஏற்றுக்கொள்ளப்படும் என இலங்கை பரீட்சைகள் திணைக்களம் தெரிவித்துள்ளது.
பாடசாலை விண்ணப்பதாரர்கள் அதிபர் மூலமாகவும், தனிப்பட்ட விண்ணப்பதாரர்கள் தனிப்பட்ட முறையில், வழங்கப்பட்ட வழிமுறைகளைப் பின்பற்றி விண்ணப்பிக்கலாம்.
க.பொ.த சாதாரண தரப் பரீட்சைக்கான தனியார் பரீட்சார்த்திகள் விண்ணப்பச் செயல்முறையின் போது தமது தேசிய அடையாள அட்டைகளைப் பயன்படுத்த வேண்டும்.
விண்ணப்பங்களை சமர்ப்பிப்பதற்கான காலக்கெடு எதிர்வரும் நவம்பர் 30 ஆம் திகதி நள்ளிரவாகும்.
எக்காரணம் கொண்டும் இந்த காலக்கெடு நீடிக்கப்பட மாட்டாது.
இது தொடர்பல் ஏதேனும் தகவல்கள் தேவைப்பட்டால் 011-278-42-08, மேலும் 011-278-45-37, மற்றும் 011-278-59-22 என்ற தொலைபேசி இலக்கங்களைத் தொடர்பு கொள்ளுமாறும் பரீட்சைகள் திணைக்களம் வலியுறுத்தியுள்ளது.