முன்னெப்போதும் இல்லாத காற்று மாசுபாட்டின் விளைவாக பாகிஸ்தானின் இரண்டாவது பெரிய நகரமான லாகூரில் உள்ள ஆரம்பப் பள்ளிகள் ஒரு வாரத்திற்கு மூடப்படும் என்று மாகாண அரசாங்கம் இன்று ஞாயிற்றுக்கிழமை அறிவித்தது.
நாட்டின் கிழக்கில் உள்ள பெருநகரம், போக்குவரத்து புகை, பண்ணைகளில் எரியும் பருவகால பயிர்களின் புகை மற்றும் குளிர்கால வெப்பநிலை ஆகியவற்றால் ஏற்படும் புகையின் அடர்த்தி போன்றவற்றால் புகை மூட்டம் எழுந்துள்ளது.
லாகூரில் 14 மில்லியன் மக்கள் வசிக்கிக்கின்றர். பாகிஸ்தானிய அதிகாரிகள் மற்றும் சுவிஸ் காற்றின் தர கண்காணிப்பு குழுவான IQAir வெளியிட்ட தரவுகளின் அடிப்படையில், இன்ற ஞாயிற்றுக்கிழமை உலகின் மிகவும் மாசுபட்ட நகரங்களின் நிகழ்நேர பட்டியலில் லாகூர் முதலிடத்தில் உள்ளது.
உங்கள் வீடுகளை விட்டு வெளியேறாதீர்கள் என்று பஞ்சாப் முதலமைச்சர் மரியம் அவுரங்கசீப் செய்தியாளர் கூட்டத்தில் கூறினார்.
இந்த புகைமூட்டம் குழந்தைகளுக்கு மிகவும் தீங்கு விளைவிக்கும். பள்ளிகளில் முகமூடிகள் கட்டாயமாக இருக்க வேண்டும். வகுப்புகளில் உள்ள குழந்தைகளின் ஆரோக்கியத்தை நாங்கள் கண்காணித்து வருகிறோம்.
அவசரகால நடவடிக்கைகளின் ஒரு பகுதியாக, 50% அலுவலக ஊழியர்கள் திங்கள்கிழமை முதல் வீட்டிலிருந்து வேலை செய்ய உத்தரவிடப்பட்டுள்ளனர். அதே நேரத்தில் மருத்துவமனைகளுக்கு ஸ்மோக் கவுண்டர்கள் வழங்கப்படும் என்று அவுரங்கசீப் கூறினார்.
தொழிற்சாலை தளங்கள், இயந்திரங்கள் பழுதடைந்த வாகனங்கள் மற்றும் பயிர் எச்சங்களை எரிப்பது போன்றவற்றிலிருந்து மாசு உமிழ்வைச் சரிபார்க்க சிறப்புக் காவல் பிரிவுகளை பஞ்சாப் அரசாங்கம் நியமித்துள்ளது.
அண்டை நாடான இந்தியாவிலிருந்து வரும் காற்று மாசுபாட்டால் காற்றின் தரம் மோசமடைந்து வருவதாகவும் ஔரங்கசீப் குற்றம் சாட்டினார்.
இந்தியாவுடன் பேசாமல், இரு தரப்பிலும் கூட்டு முயற்சி இல்லாமல் இந்தப் பிரச்னைக்கு தீர்வு காண முடியாது என்றார்.
தெற்காசியாவில் ஏறக்குறைய 600 மில்லியன் குழந்தைகள் அதிக அளவு காற்று மாசுபாட்டிற்கு ஆளாகியுள்ளனர் என்று ஐ.நா குழந்தைகள் நிறுவனமான UNICEF தெரிவித்துள்ளது.