துவிச்சக்கரவண்டிக்கு வந்த துன்பம்!

தேர்தல் பிரச்சாரமாக இரவிரவாக கட்சிகள் தமது வேட்பாளர்களது சுவரொட்டிக்களை ஒட்டுவதும் அது தேர்தல் வழிமுறைகளை மீறுவதாக தெரிவித்து காவல்துறை அவற்றினை கிழிப்பதும் வழமை.

மறுபுறம் வீதிகளில் வெள்ளை நிறத்தில் நட்டநடுவே ஆதரவு கோரி சின்னங்கள் மற்றும் கோசங்களை எழுதிவைப்பதும் நடக்கின்றது. இந்நிலையில் அவற்றினையும் காவல்துறை அழித்துவருகின்றது.

இதனிடையே நாவற்குழி பாலத்தில் துவிச்சக்கரவண்டி பாதையை இனங்காட்டுவதற்காக வீதி அபிவிருத்தி அதிகார சபையால் வரையப்பட்டிருந்த சைக்கிள் குறியீடு இனந்தெரியாத நபர்களால் பெயின்ற் பூசி அழிக்கப்பட்டுள்ளது.

அகில இலங்கை தமிழ் காங்கிரஸின் கட்சி சின்னமென தெரிவித்தே வர்ணம் பூசி வீதி ஒழுங்கு அறிவிப்பும் அழிக்கப்பட்டுள்ளது.