கொலைகளுடன் தொடர்புடைய சந்தேகநபர்கள் இருவர் கைது !

கொலைகளுடன் தொடர்புடைய சந்தேகநபர்கள் இருவர் கைது ! on Saturday, November 02, 2024

அண்மையில் இடம்பெற்ற கொலைகளுடன் தொடர்புடைய சந்தேகநபர்கள் இருவரை மேல்மாகாண தெற்கு குற்றத்தடுப்பு பிரிவினர் கைது செய்துள்ளனர்.

செப்டெம்பர் 15ஆம் திகதி தெஹிவளை பிரதேசத்தில் இடம்பெற்ற கொலை மற்றும் செப்டெம்பர் 18ஆம் திகதி கொஹுவளை பிரதேசத்தில் இடம்பெற்ற கொலையுடன் தொடர்புடைய சந்தேகநபர்கள் இருவரே இவ்வாறு கைது செய்யப்பட்டுள்ளனர்.

சந்தேகநபர்கள் இரு கொலைகளுக்காகவும் மோட்டார் சைக்கிளில் வந்துள்ளனர்.

பொலிஸாரால் மேற்கொள்ளப்பட்ட விசாரணைகளின் போது, ​​கடந்த 25ஆம் திகதி மத்தேகொட பிரதேசத்தில் சந்தேக நபர் ஒருவர் கைது செய்யப்பட்டார்.

இன்று (02) இடம்பெற்ற ஊடகவியலாளர் சந்திப்பில் கருத்து தெரிவித்த பொலிஸ் ஊடகப் பேச்சாளர், பிரதி பொலிஸ் மா அதிபர் நிஹால் தல்துவ, 31 வயதான சந்தேகநபர் ஒருவரே கொலைச் சம்பவத்திற்காக மோட்டார் சைக்கிளை செலுத்தியுள்ளதாக தெரிவித்தார்.

இந்த இரண்டு கொலைகளையும் செய்த பின்னர் மோட்டார் சைக்கிள் வெள்ளவத்தை பகுதியில் கைவிடப்பட்ட நிலையில் பொலிஸாரால் கண்டுபிடிக்கப்பட்டுள்ளது.

இக்கொலைச் சம்பவத்துடன் தொடர்புடைய துப்பாக்கிச் சூடு நடத்தியவர் நேற்று (01) வெலிக்கடை சிறைச்சாலைக்கு அருகில் மேல் மாகாண தெற்கு குற்றத்தடுப்பு பிரிவினரால் கைது செய்யப்பட்டார்.

கொலைக்கு பயன்படுத்திய துப்பாக்கியும் சந்தேகநபரால் கைப்பற்றப்பட்டது.

சந்தேகநபர் அடுத்த சில நாட்களில் மற்றுமொரு குற்றச் செயலில் ஈடுபடத் திட்டமிட்டுள்ளதாக பொலிஸ் விசாரணையில் தெரியவந்துள்ளதாகவும், இது தொடர்பான விசாரணைகளை பொலிஸார் ஆரம்பித்துள்ளதாகவும் பொலிஸ் ஊடகப் பேச்சாளர் நிஹால் தல்துவ தெரிவித்தார்.

கைது செய்யப்பட்ட சந்தேகநபர்கள் இருவரும் கொலம்பகேஆர-உடவலவ பிரதேசத்தை சேர்ந்தவர்களாவர்.