யாழ்ப்பாணம் – பருத்தித்துறை பொலிஸ் பிரிவுக்குட்பட்ட கற்கோவளம் வீரபத்திரர் கோவிலடி பகுதியில் கணவன், மனைவி இருவர் கொலை செய்யப்பட்ட நிலையில் சடலமாக மீட்கபட்டுள்ளனர்.
இச்சம்பவம் நேற்று முன்தினம் (30-10-2024) இடம்பெற்றுள்ளது.
உயிரிழந்த இருவரும் கொங்கிறீட் கற்களால் தலையில் தாக்கப்பட்டுக் கொடூரமான முறையில் படுகொலை செய்யப்பட்டுள்ளனர் என்றும் குறித்த கொலையுடன் சம்மந்தப்பட்டவர்கள் எனும் சந்தேகத்தின் பெயரில் மூவரிடம் பருத்தித்துறை பொலிஸார் வாக்குமூலம் பெற்றுவருகின்றன.
பருத்தித்துறை ஆதார வைத்தியசாலையில் ஒப்பந்த அடிப்படையில் சலவைத் தொழிலில் ஈடுபட்டு வரும் 53 வயதுடைய மாணிக்கம் சுப்பிரமணியம், அவரது மனைவியான 54 வயதுடைய சுப்பிரமணியம் மேரி ரீட்டா ஆகியோரே இவ்வாறு கொலை செய்யப்பட்ட நிலையில் சடலமாக மீட்கபட்டுள்ளனர்.
அவர்களின் வீட்டுக்கு நேற்று காலை அயலவர்கள் சென்று பார்த்தபோது இருவரும் உயிரிழந்த நிலையில் சடாகமாக காணப்பட்டுள்ளனர்.
சம்பவம் குறித்து பருத்தித்துறை பொலிஸார், மற்றும் மாவட்ட குற்றத்தடுப்பு போலீஸ் பொறுப்பதிகாரி சேந்தன் தலமையிலான குழுவினர் என பல குழுக்கள் தீவிர விசாரணைகளின் ஈடுபட்டு வந்துள்ளனர்.
இவ்வாறான நிலையில் பருத்தித்துறை பொலிஸ் நிலைய பொறுப்பதிகாரி தலைமை பொலிஸ் பரிசோதகர் பிரியந்ய அமரசிங்க தலமையில் மூவரிடம் தொடர் வாக்குமூலம் பெறப்பட்டு வருகின்றது.
மூவரில் ஒருவர் வடமராட்சி கிழக்கு குடத்தனை பகுதியில் 28/10/2018 அன்று இடம்பெற்ற இரட்டை கொலை, மற்றும் அவனது மனைவியின் தாயாரையம் கொலை செய்யும் முயற்சித்தமை ஆகிய குற்றச்சாட்டுக்களில் கைது செய்யப்பட்டு பிணையில் விடுவிக்கப்பட்ட ஒருவரும் அடங்குவதாக தெரிவிக்கப்படுகிறது.
இச்சம்பவம் தொடர்பில் இதுவரை யாரும் உத்தியோகபூர்வமாக கைது செய்யப்படவில்லை என்பது குறிப்பிடதக்கது.