கொழும்பு முகத்துவாரத்தில் ஐஸ் போதைப்பொருளுடன் இளைஞர்கள் இருவர் கைது கொழும்பு, முகத்துவாரம் பொலிஸ் பிரிவுக்குட்பட்ட பொக்குவத்த பிரதேசத்தில் ஐஸ் போதைப்பொருளுடன் இரண்டு இளைஞர்கள் நேற்று வியாழக்கிழமை (31) கைது செய்யப்பட்டதாக முகத்துவாரம் பொலிஸார் தெரிவித்தனர்.
முகத்துவாரம் பொலிஸாருக்குக் கிடைத்த தகவலின் அடிப்படையில் மேற்கொள்ளப்பட்ட சுற்றிவளைப்பின்போதே சந்தேக நபர்கள் கைது செய்யப்பட்டனர்.
சந்தேக நபர்கள் இருவரும் முகத்துவாரம் மற்றும் ராகம ஆகிய பிரதேசங்களைச் சேர்ந்த 18 மற்றும் 20 வயதுடையவர்கள் ஆவர்.
கைது செய்யப்பட்ட இளைஞர்களிடமிருந்து 11 கிராம் 25 மில்லிகிராம் மற்றும் 10 கிராம் 860 மில்லிகிராம் ஐஸ் போதைப்பொருள் பொலிஸாரால் கைப்பற்றப்பட்டது.
இது தொடர்பான மேலதிக விசாரணைகளில் முகத்துவாரம் பொலிஸார் ஈடுபட்டு வருகின்றனர்.