இரண்டு மோட்டார் சைக்கிள் நேருக்கு நேர் மோதி விபத்து ; ஒருவர் பலி !

இரண்டு மோட்டார் சைக்கிள் நேருக்கு நேர் மோதி விபத்து ; ஒருவர் பலி ! on Monday, October 28, 2024

கும்புக்கெடே- பன்னெக்கம நெலவ வீதியில் கும்பக்வெவ பகுதியில் இடம்பெற்ற விபத்தில் இளைஞன் ஒருவர் உயிரிழந்துள்ளார்.

இந்த விபத்து நேற்று (27) பிற்பகல் இடம்பெற்றுள்ளதாக பொலிஸார் தெரிவித்தனர்.

சம்பவத்தில் நெரியாவ – கும்புக்கெடே பகுதியைச் சேர்ந்த 19 வயதுடைய இளைஞர் ஒருவரே இவ்வாறு உயிரிழந்துள்ளார்.

பன்னெக்கம இருந்து நெலவ நோக்கி பயணித்த மோட்டார் சைக்கிள் மற்றும் எதிர் திசையில் வந்த மற்றுமொரு மோட்டார் சைக்கிள் நேருக்கு நேர் மோதியதில் இந்த விபத்து இடம்பெற்றுள்ளது.

இவ்விபத்தில் மோட்டார் சைக்கிளை ஓட்டிச்சென்ற இருவர், பின்னால் சென்ற இருவர் மற்றும் இரண்டு சிறுவர்கள் படுகாயமடைந்து ஹிரிபிட்டிய வைத்தியசாலையில் அனுமதிக்கப்பட்டு சிகிச்சை பெற்று வந்த நிலையில், சைக்கிளை ஓட்டிச் சென்ற ஒருவர் உயிரிழந்துள்ளார்.

கும்புக்கெடே பொலிஸார் மேலதிக விசாரணைகளை மேற்கொண்டு வருகின்றனர்.