இஸ்ரேல் மீது ஈரான் மற்றம் அதன் ஆதரவு அமைப்புகள் நடத்திய தாக்குதலுக்கு பதிலடி நடத்தப்படுவதாக இஸ்ரேல் அறிவித்தது.
ஈரானில் உள்ள இராணுவ இலக்குகள் மீது துல்லியமான தாக்குதல்களை நடத்தியதாக இஸ்ரேலிய இராணுவம் கூறுகிறது.
இஸ்ரேலிய இராணுவ செய்தித் தொடர்பாளர் டேனியல் ஹகாரி, இஸ்ரேலியப் படைகள் ஈரானில் உள்ள இராணுவ இலக்குகள் மீது துல்லியமான தாக்குதல்களை நடத்துகின்றன என்பதை உறுதிப்படுத்தும் வீடியோ அறிக்கையை வெளியிட்டுள்ளார்.
ஈரானிடம் இருந்து உடனடி கருத்து எதுவும் தெரிவிக்கப்படவில்லை.
ஈரானிய தலைநகரைச் சுற்றி குறைந்தது ஏழு வெடிப்புச் சத்தங்களை செவிமடுத்ததாகவும் குடியிருப்பாளர்கள் தெரிவித்தனர்.
ஈரானின் தலைநகரில் கேட்கப்பட்ட சில வெடிப்புச் சத்தங்கள் தெஹ்ரானில் பாதுகாப்பு நடவடிக்கைகளால் ஏற்பட்டவை என்றும் இந்த சம்பவத்தின் போது வான் பாதுகாப்பு வெற்றிகரமாக இருந்தது என்று பாதுகாப்பு ஆதாரத்தை மேற்கோளிட்டுள்ளது ஈரானின் உத்தியோகபூர்வ IRNA செய்தி நிறுவனம் செய்தி வெளியிட்டுள்ளது.
தெஹ்ரானின் மேற்கு அல்லது தென்மேற்கில் உள்ள IRGC இராணுவ மையங்களில் இதுவரை எந்த வெடிப்புச் சம்பவங்களும் பதிவாகவில்லை என்று ஈரானின் தஸ்னிம் செய்தி நிறுவனம் கூறுகிறது.
தெஹ்ரானின் இமாம் கொமெய்னி சர்வதேச விமான நிலையம் வழமை போல் அமைதியாக இயங்கி வருவதாக கூறப்பட்டுள்ளது.
சமநேரத்தில் தெஹ்ரானின் இரவு நேர காணொளிகள் வெளியாகியுள்ளன. அவை மிகவும் அமைதியாக நகரம் இருப்பதை காண்பிக்கிறது.
இஸ்ரேல் தற்காப்புப் பயிற்சியாகவும், அக்டோபர் 1 அன்று இஸ்ரேலுக்கு எதிராக ஈரானின் பாலிஸ்டிக் ஏவுகணைத் தாக்குதலுக்குப் பதிலடியாகவும் ஈரானில் உள்ள இராணுவ இலக்குகளுக்கு எதிராக இலக்குத் தாக்குதல்களை நடத்துகிறது என்பதை நாங்கள் புரிந்துகொள்கிறோம் என அமெரிக்கா கூறியது.
சிரியாவின் மத்திய மற்றும் தெற்குப் பகுதிகளில் உள்ள சில இராணுவ தளங்களையும் இஸ்ரேலிய வான்வழித் தாக்குதல்கள் குறிவைத்துள்ளதாக சிரிய அரச செய்தி நிறுவனம் கூறுகிறது.
ஈரான் மீது இஸ்ரேல் இரண்டாவது அலைத் தாக்குதலைத் தொடங்கியதாக இஸ்ரேலின் நியூஸ் 12 சேனல் தெரிவிக்கிறது.
தற்போது இஸ்ரேலும் ஈரானும் தங்களது வான்வெளியை மூடியுள்ள என அறிவித்தன.
In response to months of continuous attacks from the regime in Iran against the State of Israel—right now the Israel Defense Forces is conducting precise strikes on military targets in Iran.
The regime in Iran and its proxies in the region have been relentlessly attacking… pic.twitter.com/OcHUy7nQvN
— Israel Defense Forces (@IDF) October 25, 2024