ஈரான் மீது இஸ்ரேல் தாக்குதல் நடத்தியதாக இஸ்ரேல் அறிவித்தது!

ஈரானிய தலைநகரைச் சுற்றி குறைந்தது ஏழு வெடிப்புச் சத்தங்களை செவிமடுத்ததாகவும் இந்த வெடிப்புகள் இப்பகுதியை  உலுக்கியது என குடியிருப்பாளர்கள் தெரிவித்தனர்.

ஈரானின் தலைநகரில் கேட்கப்பட்ட சில வெடிப்புச் சத்தங்கள் தெஹ்ரானில் பாதுகாப்பு நடவடிக்கைகளால் ஏற்பட்டவை என்றும்  இந்த சம்பவத்தின் போது வான் பாதுகாப்பு வெற்றிகரமாக இருந்தது என்று பாதுகாப்பு ஆதாரத்தை மேற்கோளிட்டுள்ளது ஈரானின் உத்தியோகபூர்வ IRNA செய்தி நிறுவனம் செய்தி வெளியிட்டுள்ளது.

இஸ்ரேல் தற்காப்புப் பயிற்சியாகவும், அக்டோபர் 1 அன்று இஸ்ரேலுக்கு எதிராக ஈரானின் பாலிஸ்டிக் ஏவுகணைத் தாக்குதலுக்குப் பதிலடியாகவும் ஈரானில் உள்ள இராணுவ இலக்குகளுக்கு எதிராக இலக்குத் தாக்குதல்களை நடத்துகிறது என்பதை நாங்கள் புரிந்துகொள்கிறோம் என அமெரிக்கா கூறியது.

சிரியாவின் மத்திய மற்றும் தெற்குப் பகுதிகளில் உள்ள சில இராணுவ தளங்களையும் இஸ்ரேலிய வான்வழித் தாக்குதல்கள் குறிவைத்துள்ளதாக சிரிய அரச செய்தி நிறுவனம் கூறுகிறது.

காசா மற்றும் லெபனானில் இஸ்ரேலின் தாக்குதலுக்கும், மூத்த ஹமாஸ் மற்றும் ஹெஸ்பொல்லாத் தலைவர்கள் கொல்லப்பட்டதற்கும் பதிலடியாக அது கிட்டத்தட்ட 200 பாலிஸ்டிக் ஏவுகணைகளை ஏவியது, அக்டோபர் 1 அன்று இஸ்ரேல் மீது ஈரான் தாக்குதல் நடத்தியது.