on Friday, October 25, 2024
2024 ஒக்டோபர் 1 முதல் 20 ஆம் திகதி வரையிலான காலக் கட்டத்தில் இலங்கைக்கு வருகை தந்த சுற்றுலா பயணிகளின் எண்ணிக்கை மொத்தம் 85,836 ஆக உள்ளது.
இலங்கை சுற்றுலா அபிவிருத்தி அதிகார சபையின் தகவல்களுக்கு அமைய, 2024 ஜனவரி முதல் ஒக்டோபர் 20 வரையான காலக் கட்டத்தில் நாட்டுக்கு வருகை தந்த சுற்றுலா பயணிகளின் மொத்த எண்ணிக்கை 1,570,644 ஆகும்.
இதனிடையே, இஸ்ரேல் சுற்றுலாப் பயணிகளுக்கு அச்சுறுத்தல் காரணமாக பல நாடுகளால் விதிக்கப்பட்ட பயண ஆலோசனைகள் சுற்றுலாத் தொழிலில் பெரிய தாக்கத்தை ஏற்படுத்தாது என்று பகுப்பாய்வுகள் சுட்டிக்காட்டுகின்றன.
அரசாங்கமும் பாதுகாப்புப் படையினரும் நிலைமையைக் கட்டுப்படுத்த விரைவான நடவடிக்கை எடுத்ததே இதற்குக் காரணம் என தெரிவிக்கப்படுகிறது.
ஒக்டோபரில் வருகை தந்த சுற்றுலா பயணிகளில் அதிகளவானோர் இந்தியா பிரஜைகள் ஆவர். 23,677 இந்திய சுற்றுலா பயணிகள் வருகை தந்துள்ளனர்.
மேலும், பிரித்தானியாவைச் சேர்ந்த 6,543 சுற்றுலா பயணிகளும், சீனாவைச் சேர்ந்த 5,767 சுற்றுலா பயணிகளும் ஒக்டோபரில் நாட்டுக்கு வருகை தந்துள்ளனர்.