கொழும்பு கிராண்ட்பாஸ், மாதம்பிட்டிய பகுதியில் முச்சக்கரவண்டியில் பயணித்த நபர் ஒருவர் சுட்டுக்கொல்லப்பட்டுள்ளதாக காவல்துறையினர் தெரிவித்துள்ளனர்.
இன்று புதன்கிழமை (16) மாலை 3.00 மணியளவில் முச்சக்கரவண்டியில் பயணித்த வந்த வயதுடைய நபர் மீது துப்பாக்கிச் சூடு நடத்தியதாக காவல்துறை ஊடகப் பேச்சாளர் பிரதிப் காவல்துறை மா அதிபர் நிஹால் தல்துவா தெரிவித்தார்.
மாதம்பிட்டியவில் உள்ள மயானம் ஒன்றிற்கு அருகில் இந்த சம்பவம் இடம்பெற்றுள்ளது.
உயிரிழந்தவர் மிஹிஜய செவன பகுதியைச் சேர்ந்தவர் என அடையாளம் காணப்பட்டுள்ளார். துப்பாக்கிச் சூட்டுச் சம்பவத்தின் போது முச்சக்கரவண்டியின் பின் இருக்கையில் அவர் பயணித்துள்ளார்.
துப்பாக்கிச்சூடு நடத்திய நபர்கள் துப்பாக்கியால் சுட்டுள்ளதாக முதற்கட்ட விசாரணையில் தெரியவந்துள்ளது.
சம்பவம் தொடர்பான மேலதிக விசாரணைகளை கிராண்ட்பாஸ் காவல்துறையினர் மேற்கொண்டு வருகின்றனர்.