கொழுந்துகளை ஏற்றிச் சென்ற லொறி ரயிலுடன் மோதி விபத்து ; ஒருவர் காயம் !

கொழுந்துகளை ஏற்றிச் சென்ற லொறி ரயிலுடன் மோதி விபத்து ; ஒருவர் காயம் ! on Wednesday, October 16, 2024

தேயிலை கொழுந்துகளை ஏற்றிச் சென்ற லொறி ஒன்று ரயிலுடன் மோதி விபத்துக்குள்ளானதில் லொறியின் உதவியாளர் காயமடைந்துள்ளதுடன் லொறியின் முன்பகுதி பலத்த சேதமடைந்துள்ளது.

இந்த விபத்து நேற்று முன்தினம் (14) இடம்பெற்றுள்ளது.

விபத்தில் காயமடைந்தவர் கொட்டகலை பிரதேச வைத்தியசாலையில் அனுமதிக்கப்பட்டுள்ளதாக ஹட்டன் பொலிஸார் தெரிவித்தனர்.

ஹட்டன் யூனிபீல்ட் தோட்டத்தில் இருந்து தேயிலை தொழிற்சாலைக்கு தேயிலை கொழுந்துகளை ஏற்றிச் சென்ற லொறியொன்றே, ஹட்டனிலிருந்து எல்ல நோக்கிப் பயணித்த ரயிலுடன் மோதியுள்ளது.

விபத்தின் போது, லொறியின் சாரதி ரயில் வருவதை அவதானித்து லொறியை பின்னால் செலுத்த முற்பட்டபோதும் லொறி ரயிலுடன் மோதியதாக பொலிஸார் தெரிவித்தனர்.

இதன்போது, லொறியின் பின்புறத்தில் தோட்டத் தொழிலாளர்கள் ஐவர் பயணித்ததாகவும், விபத்தில் லொறியின் உதவியாளர் ஒருவர் காயமடைந்துள்ளதாகவும் பொலிஸார் தெரிவித்தனர்.

இதனையடுத்து, புகையிரத பாதுகாப்பு உத்தியோகத்தர்கள் காயமடைந்த லொறியின் உதவியாளரை வைத்தியசாலைக்கு கொண்டு சென்றதுடன் ரயிலை முன்னோக்கிச் செலுத்த நடவடிக்கை எடுத்துள்ளனர்.

விபத்து இடம்பெற்ற இடத்தில், ரயில் பாதுகாப்பு கடவை காணப்பட்டாலும் அதற்கு பாதுகாவலர் இல்லை என பொலிஸார் மேலும் தெரிவித்தனர்.