இலங்கை தோட்ட தொழிலாளர்களின் சம்பளம் உயர்வு.. ரணில் விக்ரமசிங்க சூப்பர் அறிவிப்பு!Authored byபஹன்யா ராமமூர்த்தி | Samayam Tamil | Updated: 1 May 2024, 4:28 pm
இலங்கை தோட்ட தொழிலாளர்களின் ஊதியத்தை அதிபர் ரணில் விக்ரமசிங்க உயர்த்தி அறிவித்துள்ளார். அதன்படி தோட்ட தொழிலாளர்களின் குறைந்தபட்ச சம்பளம் 1700 ரூபாயாக அதிகரிக்கப்பட்டுள்ளது. Samayam Tamil
உழைப்பாளர் தினம் உலகம் முழுவதும் இன்று கொண்டாடப்பட்டு வருகிறது. இந்த நல்ல நாளில் இலங்கை அரசு, அந்நாட்டு தோட்ட தொழிலாளர்களுக்கு மகிழ்ச்சியான அறிவிப்பு ஒன்றை வெளியிட்டுள்ளளது. அதாவது தோட்டத் தொழிலாளர்களின் ஊதியம் உயர்த்தப்பட்டுள்ளது. தேயிலை, ரப்பர் வளர்ப்பு மற்றும் கச்சா ரப்பர் உற்பத்தி உள்ளிட்ட தோட்ட தொழிலாளர்களின் குறைந்தபட்ச ஊதியத்தை உயர்த்தி வழங்குமாறு அந்நாட்டு தொழிலாளர்கள் சம்மேளனம் தொடர்ந்து கோரிக்கை விடுத்து வந்தது. இதுதொடர்பாக பேச்சு வார்த்தையும் நடத்தி வந்தது.
Fact Check: தேர்தலுக்காக டீ ஆத்துனாங்களா மம்தா பானர்ஜி? தீயாய் பரவும் போட்டோ.. உண்மை என்ன?
ஆனால் பேச்சுவார்த்தையில் எந்த முன்னேற்றமும் இல்லாமல் இருந்தது. இந்நிலையில் இலங்கைத் தொழிலாளர் காங்கிரஸின் மே தினக் கூட்டம் இன்று நடைபெற்றது. இதில் அதிபர் ரணில் விக்ரமசிங்க பங்கேற்றார். அப்போது உரையாற்றிய ரணில் விக்கிரமசிங்க, வீழ்ச்சியடைந்த நாட்டை மீட்டெடுக்கும் பொறுப்பு தனக்கு வழங்கப்பட்டதாக தெரிவித்தார்.
ஸ்தீரமான பொருளாதாரத்தை கட்டியெழுப்ப அமைச்சரவை தனக்கு பக்கபலமாக இருந்ததாகவும், அதேபோல் நாடு வீழ்ச்சியடைந்த காலப்பகுதியில் கூடுதலாக பாதிக்கப்பட்ட தோட்டத் தொழிலாளர்கள் நாட்டுக்கு அந்நிய செலாவணியை 2023 ஆம் ஆண்டில் கொண்டுவர காரணமாக அமைந்தார்கள் என்றும் கூறினார்.
பிரஜ்வல் ரேவண்ணா விவகாரத்தில் பிரதமர் மோடியின் மவுனம் வெட்கக்கேடு… ராகுல் காந்தி கடும் கண்டனம்!
தோட்டத்தொழிலாளர்களின் பிரச்சினைகளை தாம் ஒருபோதும் மறக்கப்போவதில்லை என்றும் அப்படியே மறந்தாலும் ஜீவன் தொண்டமான் விடப்போவதில்லை என்றும் கூறிய ரணில் விக்ரமசிங்க, தோட்ட தொழிலாளர்களின் நாள் ஒன்றுக்கான சம்பளம் 1700 ரூபாயாக உயர்த்தப்படுவதாக தெரிவித்தார்.
கேரளா ஸ்த்ரீ சக்தி லாட்டரியில் ரூ. 75 லட்சத்தை அள்ளியது இவங்கதான்.. இன்று 50-50 லாட்டரியில் ரூ. 1 கோடி!
இலங்கை தோட்ட தொழிலாளர்களின் சம்பளம் உயர்வு.. ரணில் விக்ரமசிங்க சூப்பர் அறிவிப்பு!
தொடர்ந்து பேசிய அவர் அரசு ஊழியர்களுக்கான ஊதியம் 10,000 ரூபாய் உயர்த்தப்பட்டுள்ளது என்றும், சுற்றுலாத்துறை வருமானமும் அதிகரித்து செல்கிறது என்றும் கூறினார். மேலும் தற்போது ரூபாய் மதிப்பு பலமடைந்துள்ளது என்றும் மலையக கிராம அபிவிருத்தி, கல்வி அபிவிருத்தி விஷயங்களில் கவனம் செலுத்தப்படும் என்றும் மலையக மக்களின் உரிமைகளை பெற்றுக்கொடுக்க முயற்சி மேற்கொள்ளப்படும் என்றும் அதிபர் ரணில் விக்ரமசிங்க கூறினார். ஆசிரியர் பற்றிபஹன்யா ராமமூர்த்திசெய்தி சேனல், எஃப் எம் (RJ) மற்றும் டிஜிட்டல் ஊடத்துறையில் 13 ஆண்டுகள் அனுபவம். இதழியலில் முதுகலைப்பட்டம் பெற்றுள்ளேன். பொது செய்திகள், அரசியல், க்ரைம், விளையாட்டு சினிமா மற்றும் உலக நடப்பு செய்திகளில் அனுபவம்.. தற்போது சமயம் தமிழில் சினிமா செய்திகளை அளித்து வருகிறேன்…. மேலும் படிக்க