இலங்கை தேர்தல் முடிவுகள்… இந்தியாவிற்கு சாதகமா, பாதகமா? அனுரகுமார திஸாநாயக்க வெற்றி என்ன சொல்

இலங்கை தேர்தல் முடிவுகள்… இந்தியாவிற்கு சாதகமா, பாதகமா? அனுரகுமார திஸாநாயக்க வெற்றி என்ன சொல்கிறது?Authored byமகேஷ் பாபு | Samayam Tamil | Updated: 23 Sept 2024, 10:29 am

இலங்கையில் நடந்து முடிந்துள்ள அதிபர் தேர்தலில் மக்கள் மாற்றத்தை விரும்பியிருக்கின்றனர். மார்க்சிஸ்ட் சித்தாந்த பின்புலம் கொண்ட அனுரகுமார திஸாநாயக்க வெற்றி பெற்று புதிய அதிபராகி இருக்கிறார். இவரது எழுச்சி அண்டை நாடான இந்தியாவிற்கு சாதகமாக மாறுமா? இல்லை பாதகமா மாறுமா? என்ற மில்லியன் டாலர் கேள்வி எழுந்துள்ளது.முக்கிய அம்சங்கள்: இலங்கை அதிபர் தேர்தலில் அனுரகுமார திஸாநாயக்க வெற்றிமுதல் கம்யூனிஸ்ட் அதிபராக பதவியேற்றுக் கொண்டார்இந்தியாவிற்கு பல்வேறு சவால்கள் காத்திருக்கின்றன Samayam TamilAnura Kumaraஇலங்கை அதிபர் தேர்தல் 2024ல் இமாலய வெற்றியை பதிவு செய்துள்ளார் தேசிய மக்கள் சக்தி கட்சியின் தலைவர் அனுரகுமார திஸாநாயக்க. இவர் மார்க்சிஸ்ட் சித்தாந்தத்தில் இயங்கக் கூடிய ஜனதா விமுக்தி பெரமுனாவின் தலைவர் என்பது குறிப்பிடத்தக்கது. இவர் அண்டை நாடான இந்தியா உடன் நட்புறவை பேணுவாரா? இல்லை எதிர் திசையில் நிற்பாரா? என்ற கேள்வி எழுந்துள்ளது.இந்தியா – இலங்கை உறவு

இதுபற்றி இலங்கை அரசியலை உன்னிப்பாக கவனித்து வரும் சர்வதேச அரசியல் பார்வையாளர்கள் கூறுகையில், ஜனதா விமுக்தி பெரமுனாவை பொறுத்தவரை சிங்கள பேரினவாதத்தை தீவிரமாக கடைபிடிக்கக் கூடியது. அதாவது, சிங்கள இனம், சிங்கள மண், சிங்கள பாரம்பரியம் என அவர்களுக்கு தான் அதிக முக்கியத்துவம் அளிப்பர். அதுமட்டுமின்றி இந்தியாவிற்கு எதிரான நடவடிக்கைகளில் கடந்த காலங்களில் ஈடுபட்டு வந்திருப்பதை பார்க்கலாம்.
இலங்கை தேர்தல் முடிவுகள்… இந்தியாவிற்கு சாதகமா, பாதகமா? அனுரகுமார திஸாநாயக்க வெற்றி என்ன சொல்கிறது?

சீனா உடன் நட்பு

இவர்கள் சீனா உடன் நட்புறவை நாடி வருபவர்கள். ஏற்கனவே இந்தியப் பெருங்கடல் பகுதியில் தங்களது ஆதிக்கத்தை நிலைநாட்டும் வகையில் நம்பிக்கையான இலங்கை அரசு அமையுமா? என்ற எதிர்பார்ப்புடன் சீனா காத்திருந்தது. முன்னதாக ராஜபக்ச அதற்கு கைகொடுத்தார். அதன்பிறகு சாதகமான சூழல் இல்லை.

இலங்கை எடுக்கும் முடிவு

தற்போது அனுரகுமார திஸாநாயக்க அதிபராக தேர்வு செய்யப்பட்டிருப்பதன் மூலம் சீனாவிற்கு புதிய நம்பிக்கை பிறந்திருப்பதாக கூறுகின்றனர். அதேசமயம் இந்தியா போன்ற வளர்ந்து வரும் நாட்டை பகைத்து கொள்வது இலங்கைக்கு தான் நஷ்டம்.

பொருளாதார வீழ்ச்சி

ஏற்கனவே கடும் பொருளாதார வீழ்ச்சியில் இருந்து மீண்டு வர போராடி கொண்டிருக்கும் இலங்கைக்கு இந்தியாவின் நட்பு என்பது ஏதேனும் ஒரு வகையில் சாதகமாக இருக்கும். அதை உணர்ந்து நட்புறவை நாடும் வகையில் இலங்கையில் அமைந்துள்ள புதிய அரசு நடவடிக்கை எடுக்கும் என எதிர்பார்க்கப்படுகிறது.

இந்திய அரசும் இலங்கையின் புதிய அரசுடன் கைகோர்த்து செயல்படுவது இந்திய பெருங்கடலில் இணக்கமான சூழலை உறுதி செய்வது மட்டுமின்றி, இலங்கை தமிழர்களுக்கு தேவையான உதவிகளையும் செய்யலாம். இது டெல்லி – தமிழ்நாடு இடையிலான அரசியலில் மிக முக்கியமான நகர்வாக பார்க்கப்படுகிறது. ஒட்டுமொத்தமாக அனுரா குமார திஸநாயக வெற்றியானது இந்தியாவிற்கு பல்வேறு சவால்களை அளிக்க காத்திருப்பதாக கூறுகின்றனர்.ஆசிரியர் பற்றிமகேஷ் பாபுசெய்தி தொலைக்காட்சி, டிஜிட்டல் ஊடகம் என 8 ஆண்டுகள் அனுபவம். எளிய மக்களின் குரலாகவும், சமூக அவலங்களை சுட்டிக் காட்டும் வகையிலும் எழுதப் பிடிக்கும். அரசியல் செய்திகளை வழங்குவதில் தீராத ஆர்வம் உண்டு. சமயம் தமிழ் ஊடகத்தில் Senior Digital Content Producer ஆக பணியை தொடர்ந்து வருகிறேன்…. மேலும் படிக்க