சிறைச்சாலைத் தாக்குதல்களைக் கட்டுப்படுத்தும் நடவடிக்கையாக போதைப்பொருள் பயன்படுத்துவர்களின் தொலைபேசிகள், மகிழுந்துகள், உந்துருளிகள், குவாட் வாகனங்களைப் பறிமுதல் செய்யும் நடவடிக்கையை பிரான்ஸ் எடுத்துவருகிறது.
சிறைத் தாக்குதல்களின் அலைக்குக் காரணமான கும்பல்களுக்கு எதிரான நடவடிக்கையின் ஒரு பகுதியாக, நாடு முழுவதும் போதைப்பொருள் பாவனையாளர்களின் தொலைபேசிகளைப் பறிமுதல் செய்ய பிரான்ஸ் தொடங்கும். குறிப்பாக செய்தியிடல் செயலிகள் மூலம் செய்யப்படும் ஒப்பந்தங்களை நிறுத்துவதை நோக்கமாகக் கொண்ட பேயோனில் ஒரு விசாரணையை இந்த நடவடிக்கை விரிவுபடுத்துகிறது.
தென்மேற்கு பிரான்சின் பயோனில் உள்ள வழக்கறிஞர்களின் பணியை அடிப்படையாகக் கொண்டு இந்தத் திட்டம் உருவாக்கப்பட்டது என்று நீதி அமைச்சர் ஜெரால்ட் டார்மனின் கூறினார்.
அங்கு போதைப்பொருள் பரிவர்த்தனைகளுக்குப் பயன்படுத்தப்படும் தொலைபேசிகள் ஏற்கனவே பறிமுதல் செய்யப்பட்டுள்ளன.
குறித்த சட்டம் தொலைபேசிகள், மகிழுந்துகள்ர, உந்துருளிகள் அல்லது குவாட் பைக்கை பறிமுதல் செய்ய அனுமதிக்கிறது என நீதி அமைச்சர் ரான்ஸ்இன்ஃபோ வானொலியிடம் தெரிவித்தார்.
பறிமுதல் செய்யப்படும் பொருட்களை அரசாங்கம் விற்க இந்த சட்டம் அனுமதிக்கிறது என அவர் கூறினார்.
பொதுவாக பணம், கார்கள், உடமைகள் பறிமுதல் செய்வது – சில நேரங்களில் வழக்குத் தொடுப்பதை விட மிகவும் பயனுள்ளதாக இருக்கும் என்று அவர் கூறினார்.
போதைப்பொருள் பாவனையாளர்கள் மீது இன்னும் உறுதியான நடவடிக்கை எடுக்க பேயோன் வழக்கறிஞர் ஜெரோம் போரியர் அழைப்பு விடுத்தார்.