ரஷ்யா-உக்ரைன் அமைதி ஒப்பந்தத்தை ஏற்படுத்துவதற்கான தெளிவான அறிகுறிகள் தென்படாவிட்டால், சில நாட்களுக்குள் அமெரிக்கா அதை கைவிடும் என்று அமெரிக்க வெளியுறவுத்துறை செயலாளர் மார்கோ ரூபியோ எச்சரித்துள்ளார்.

நேற்று வியாழக்கிழமை பாரிஸில் ஐரோப்பிய தலைவர்களுடனான ஒரு சந்திப்பைத் தொடர்ந்து, ரூபியோ இன்று வெள்ளிக்கிழமை செய்தியாளர்களிடம் கூறினார்

நாங்கள் இந்த முயற்சியை வாரக்கணக்கிலோ அல்லது மாதக்கணக்கிலோ தொடரப் போவதில்லை என்று ரூபியோ கூறினார்.

ஒரு சமாதான ஒப்பந்தம் எட்டுவது கடினம் என்பது தெளிவாகத் தெரிகிறது, ஆனால் அது விரைவில் நடக்கக்கூடிய அறிகுறிகள் இருக்க வேண்டும் என்று அவர் கூறினார்.

ரஷ்யா 2022 இல் உக்ரைன் மீது முழு அளவிலான படையெடுப்பைத் தொடங்கியது மற்றும் எந்தவொரு சாத்தியமான போர்நிறுத்தத்திற்கும் பல நிபந்தனைகளை விதித்துள்ளது.

டிரம்ப் நிர்வாகம் விரைவில் ஒரு ஒப்பந்தத்தைப் பெற முடியும் என்ற ஆரம்ப நம்பிக்கை இருந்தபோதிலும், முழுமையான போர்நிறுத்தத்தை எட்டுவதற்கான முயற்சிகள் இன்னும் நிறைவேறவில்லை அமெரிக்கா இரு தரப்பினரையும் குற்றம் சாட்டுகிறது.

அமெரிக்க ஜனாதிபதி டொனால்ட் டிரம்ப் மீண்டும் பதவியேற்பதற்கு முன்பு, தனது ஜனாதிபதி பதவியின் முதல் 24 மணி நேரத்திற்குள் சண்டையை நிறுத்துவேன் என்று கூறியிருந்தார்.