Contributed by Sajag Desk | Written byபவித்ரன் | Samayam Tamil | Updated: 5 Apr 2025, 12:54 pm
இலங்கை முன்னாள் அதிபர் மகிந்த ராஜபக்ச உடல் நலக்குறைவால் மருத்துவமனையில் அனுமதிக்கப்பட்டதாக பரவும் தகவல் பேக்ட் செக் செய்யப்பட்டு முடிவுகள் அறிவிக்கப்பட்டுள்ளது.Samayam TamilMahinda Rajapaksa viral Newsஇலங்கையின் முன்னாள் அதிபர் மகிந்த ராஜபக்ச குடும்பத்தினரின் ஆட்சிக்கு அந்நாட்டு மக்கள் போராட்டம் மூலம் முடிவு கட்டி இருந்தனா். பொருளாதார வீழ்ச்சிக்கு வித்திட்ட ராஜபக்ச குடும்பத்தினர், வன்முறைக்கு பயந்து ஓடினா். இதனை தொடர்ந்து ஆட்சி மாற்றம், தேர்தல் என பல சம்பவங்கள் இலங்கையில் நடந்து விட்டன. இந்த நிலையில் மகிந்த ராஜபக்ச உடல் நலக்குறைவு ஏற்பட்டு அங்குள்ள மருத்துவமனையில் அனுமதிக்கப்பட்டுள்ளதாக சமூக வலைத்தளங்களில் தகவல்கள் பரவி வருகின்றன. அதன் உண்மை என்ன என்று நமது சஜக் குழு ஆய்வு நடத்தி கண்டுபிடித்துள்ளது.
பரவிய தகவல்
தமிழ் பேசும் மக்கள் சக்தி என்ற பேஸ்புக் வலைத்தளத்தில் மகிந்த ராஜபக்ச குறித்து பதிவிடப்பட்டு இருந்தது. அதில்,” மகிந்த ராஜபக்ச வைத்தியசாலையில்! முன்னாள் ஜனாதிபதி மஹிந்த ராஜபக்ஷ கொழும்பில் உள்ள தனியார் வைத்தியசாலையில் அனுமதிக்கப்பட்டுள்ளார். அண்மையில் திரு.மகிந்த ராஜபக்ச சுகவீனம் காரணமாக பல தடவைகள் வைத்தியசாலையில் அனுமதிக்கப்பட்டிருந்தார். சமீபத்தில் அவருக்கு முழங்காலில் அறுவை சிகிச்சையும் செய்யப்பட்டது” என கூறப்பட்டது. இந்த பதிவுக்கு பலரும் கருத்து தெரிவித்து ஷேர் செய்து இருந்தனா்.
சரிபார்ப்பு முறை
மகிந்த ராஜபக்ச உடல் நலக்குறைவு, மகிந்த ராஜபக்ச மருத்துவமனை அனுமதி என சில கீ வேடுகளை பயன்படுத்தி தேடினோம். அப்போது அவர் மருத்துவனையில் தற்போது அனுமதிக்கப்பட்டதாக செய்தி ஏதும் கிடைக்கவில்லை. இதையடுத்து இலங்கை செ்யதி நிறுவனங்களிலும் மகிந்த ராஜபக்ச குறித்து ஆராய்ந்தோம். அதிலும் எந்த தகவலும் இடம் பெறவில்லை.
இதற்கிடையே மகிந்த ராஜபக்சவின் ஊடகப் பேச்சாளரான சட்டத்தரணி மனோஜ் கமகே, மகிந்த ராஜபச்ச மருத்துவமனையில் அனுமதிக்கப்படவில்லை. அவர் நலமுடன் உள்ளார். அவர் தற்போது வீட்டில் ஓய்வில் இருக்கிறார். கடந்த சில நாட்கள் முன்பு அவருக்கு மூட்டு சிகிச்சை செய்யப்பட்டது என கூறி இருந்தார்.உண்மை என்ன?
இலங்கை முன்னாள் அதிபர் மகிந்த ராஜபக்ச, உடல் நலக்குறைவு ஏற்பட்டு மருத்துவமனையில் அனுமதிக்கப்படவில்லை. பழைய செய்தியை தற்போது தவறாக வைரலாக்கி வருகின்றனா். இதனை யாரும் நம்ப வேண்டாம்.
முடிவுசமூக வலைத்தளங்களில் இலங்கை முன்னாள் அதிபர் மகிந்த ராஜபக்ச உடல் நலக்குறைவால் மருத்துவமனையில் அனுமதிக்கப்பட்டதாக பரவும் தகவல் முற்றிலும் தவறானது. இதை நமது பேக்ட் செக் குழு கண்டுப்பிடித்து உள்ளது.
ஆசிரியர் பற்றிபவித்ரன் நான் பவித்ரன் தேவேந்திரன். ஊடகத்துறையில் 5 ஆண்டுகளாக பணிபுரிந்து வருகிறேன். அரசியல், கிரைம் செய்திகள் எழுதிய அனுபவம் உள்ளது. இப்போது சமயம் தமிழில் மாநில, தேசிய, உலகச் செய்திகளை வழங்கி வருகிறேன்…. மேலும் படிக்க