சீனாவுக்கு ஷாக் கொடுத்த இலங்கை அதிபர் அநுரகுமார திசநாயக.. பிரதமர் மோடிக்கு கொடுத்த உறுதி!

சீனாவுக்கு ஷாக் கொடுத்த இலங்கை அதிபர் அநுரகுமார திசநாயக.. பிரதமர் மோடிக்கு கொடுத்த உறுதி!Authored byபஹன்யா ராமமூர்த்தி | Samayam Tamil | Updated: 5 Apr 2025, 2:11 pm

இந்திய பாதுகாப்பை அச்சுறுத்தும் எந்த சம்பவமும் இந்த மண்ணில் நடக்காது என இலங்கை அதிபர் அநுரகுமார திசநாயக பிரதமர் மோடிக்கு உறுதி அளித்துள்ளார். Samayam Tamil
பிரதமர் மோடி 3 நாட்கள் அரசுமுறை பயணமாக இலங்கை சென்றுள்ளார். நேற்று கொழும்பு விமான நிலையத்தில் பிரதமர் மோடிக்கு உற்சாக வரவேற்பு அளிக்கப்பட்ட நிலையில் இன்று கொழும்பு சுதந்திர சதுக்கத்தில் பிரதமர் மோடிக்கு சம்பிரதாய அணிவகுப்பு மரியாதை அளித்து வரவேற்றார் அதிபர் அநுர குமார திசநாயக. இதனைத் தொடர்ந்து இருநாடுகளுக்கும் இடையே, கடன் மறுசீரமைப்பு, டிஜிட்டல் மயமாக்கல், பாதுகாப்பு உள்ளிட்டவை தொடர்பான முக்கிய ஒப்பந்தங்கள் கையெழுத்தானது. பிரதமர் மோடிக்கு இலங்கையின் உயரிய விருதான மித்ர விபூஷன் விருது வழங்கப்பட்டது.

அதனைத் தொடர்ந்து பேசிய பிரதமர் மோடி இந்தியா – இலங்கை இடையேயான உறவு சிறப்பாக இருப்பதாக தெரிவித்தார். மேலும் தீவிரவாத தாக்குதல் மற்றும் கொரோனா பெருந்தொற்று போன்ற காலக்கட்டங்களில் இந்தியா இலங்கைக்கு துணை நின்றதை நினைவுக்கூர்ந்தார். மேலும் தமிழக மீனவர்கள் விவகாரம் குறித்தும் பேசிய பிரதமர் மோடி, மீனவர்கள் பிரச்சனையை மனிதாபிமானத்துடன் அணுக வேண்டும் என்றும் பிரதமர் தெரிவித்தார்.

இதையடுத்து உரையாற்றிய அதிபர் அநுரகுமார திசநாயக, இந்திய பாதுகாப்புக்கு அச்சுறுத்தல் அளிக்கும் வகையிலான எந்த செயலும் இந்த மண்ணில் நடக்காது என உறுதி அளித்தார். இலங்கையின் தனித்துவ டிஜிட்டல் சேவைக்காக இந்தியா 300 கோடி ரூபாய் தந்ததற்கு நன்றி என்றும் அநுரகுமார திசநாயக தெரிவித்துள்ளார்.

டிஜிட்டல் மயமாக்களில் இரு நாடுகளும் இணைந்து பணியாற்றுவது தொடர்பாக ஆலோசித்ததாகவும் அவர் கூறினார். இந்தியாவின் பாதுகாப்புக்கு பாதகமான வகையில் இலங்கையை பயன்படுத்த அனுமதிக்க மாட்டோம் என்றும் இலங்கை அதிபர் அநுரகுமார திசநாயக தெரிவித்துள்ளார்.

ஏற்கனவே சீனா தனது அதிநவீன கப்பலை இலங்கை கடற்பகுதியில் நிறுத்தி இந்தியாவை வேவு பார்ப்பதாக தகவல் வெளியானது. சீனாவின் இந்த செயல் இந்தியாவின் பாதுகாப்புக்கு அச்சுறுத்தல் அளிப்பதாகவும் கூறப்பட்டது. இந்நிலையில் அதற்கு முற்றுப்புள்ளி வைக்கும் வகையில் இலங்கை அதிபர் அநுரகுமார திசநாயக பிரதமர் மோடிக்கு அதிரடி உத்தரவை அளித்துள்ளார்.மற்ற செய்திகள்: விஷு பம்பர் லாட்டரி டிக்கெட் விற்பனை தொடக்கம்.. முதல் பரிசு ரூ. 12 கோடி.. 2ஆம் பரிசு ரூ. 1 கோடி!

ஆசிரியர் பற்றிபஹன்யா ராமமூர்த்திசெய்தி சேனல், எஃப் எம் (RJ) மற்றும் டிஜிட்டல் ஊடத்துறையில் 13 ஆண்டுகள் அனுபவம். இதழியலில் முதுகலைப்பட்டம் பெற்றுள்ளேன். பொது செய்திகள், அரசியல், க்ரைம், விளையாட்டு சினிமா மற்றும் உலக நடப்பு செய்திகளில் அனுபவம்.. தற்போது சமயம் தமிழில் சினிமா செய்திகளை அளித்து வருகிறேன்…. மேலும் படிக்க