புயலில் சிக்கி உடைந்துபோன மூழ்க முடியாத நீராவிக் கப்பல் 200 மீற்றர் ஆழத்தில் கண்டுபிடிக்கப்பட்டது.
அமெரிக்காவின் சுப்பீரியர் ஏரியில் இரும்பில் அமைக்கப்பட்ட நீராவி கப்பலின் சிதைவை ஆராய்ச்சியாளர்கள் கண்டுபிடித்துள்ளனர்.
மேற்கு ரிசர்வ் என்ற இக்கப்பல் 1890 ஆம் ஆண்டில் ஒரு வேகமாகவும் பாதுகாப்பானதுமாகக் கருதப்பட்டது.
1892 ஆம் ஆண்டு மிச்சிகன் மாநிலத்தில் உள்ள சுப்பீரியர் ஏரியில் கோடை புயலின் போது கப்பல் சில நிமிடங்களில் பாதியாக உடைந்து நீரில் மூழ்கியது. இது ஏன் உடைந்து மூழ்கியது என்பது இன்றுவரை ஒரு மர்மமாகவே உள்ளது.
இந்தக் கப்பல் ஏரிகளில் பயன்படுத்துவதற்காக கட்டப்பட்ட முதல் பெரிய இரும்பைக் கொண்டு கட்டப்பட்ட சரக்குக் கப்பலாகும்.
இக்கப்பல் மூழ்கி 132 ஆண்டுகளுக்குப் பின்னர், டைவிங் ரோபோக்களின் உதவியுடன் ஆராய்ச்சியாளர்கள் இதைக் கண்டுபிடித்தனர்.
மூழ்கிய மேற்கு ரிசர்வ் கப்பலின் தலைமைப் பொறுப்பாளரான ஹாரி டபிள்யூ. ஸ்டீவர்ட் மட்டுமே உயிர் பிழைத்தார். அவரது உயிர்காக்கும் சிறிய படகு அலையில் கவிழ்ந்தபோது, அவர் இரண்டு மணி நேரம் நீந்தி கரை சேர்ந்தார்.
அந்தக்காலத்தில் இருந்த மிக நவீன கப்பல்களில் இதுவும் ஒன்று. முற்றுமுழுதாக இரும்பினால் வடிவமைக்கப்பட்டது. கிட்டத்தட்ட 100 மீற்றர் நீளம் கொண்டது. இது 2392 தொன் எடையுள்ள ஒரு கப்பலாகும்.
132 ஆண்டுகளுக்கும் மேலாகியும், அமெரிக்க கிரேட் லேக்ஸ் கப்பல் விபத்து வரலாற்று சங்கம், இந்த வாரம் ஆராய்ச்சியாளர்கள் கப்பலின் சிதைவைக் கண்டுபிடித்ததாக அறிவித்தது.