ரஷ்யாவிற்கு எதிரான போரில் நேட்டோ படைகளின் அதிகாரப்பூர்வ ஈடுபாடாக உக்ரைனில் ஐரோப்பிய அமைதி காக்கும் படையினரின் இருப்பை மாஸ்கோ பார்க்கும் என்று ரஷ்ய வெளியுறவு அமைச்சர் செர்ஜி லாவ்ரோவ் கூறினார்.
சமரசம் செய்வதற்கு எந்த இடமும் இல்லை என்று நாங்கள் கருதுகிறோம். இந்த விவாதம் வெளிப்படையான விரோத நோக்கத்துடன் நடத்தப்படுகிறது என்று லாவ்ரோவ் வியாழக்கிழமை கூறினார்.
சமீபத்திய நாட்களில் பல ஐரோப்பிய தலைவர்கள், சாத்தியமான போர்நிறுத்தத்தை ஆதரிக்க உக்ரைனுக்கு அமைதி காக்கும் படையை அனுப்பும் யோசனையை முன்வைத்துள்ளனர்.
ரஷ்ய ஆக்கிரமிப்பை எதிர்கொள்ளும் போது, நேச ஐரோப்பிய நாடுகள் பிரான்சின் அணுசக்தி குடையின் கீழ் வர வேண்டும் என்று முன்மொழிவதன் மூலம், பிரெஞ்சு ஜனாதிபதி இம்மானுவேல் மக்ரோன் ரஷ்யாவிற்கு எதிராக அச்சுறுத்தலை ஏற்படுத்துவதாகவும் லாவ்ரோவ் குற்றம் சாட்டினார்.
நிச்சயமாக இது ரஷ்யாவிற்கு எதிரான அச்சுறுத்தல்தான். அவர் எங்களை ஒரு அச்சுறுத்தலாகக் கருதினால். அணு ஆயுதத்தைப் பயன்படுத்துவது அவசியம் என்று கூறினால், ரஷ்யாவிற்கு எதிராக அணு ஆயுதத்தைப் பயன்படுத்தத் தயாராகி வருகிறார் என்றால், நிச்சயமாக அது ஒரு அச்சுறுத்தல்தான் என்று லாவ்ரோவ் கூறினார்.
அணு ஆயுதக் கொள்கையை ரஷ்யா கடந்த ஆண்டு மாற்றியமைத்து. அணு ஆயுதம் இல்லாத நாடுகளுக்கு எதிராக தாக்குதல் நடத்த அனுமதித்தது. மேலும், தந்திரோபாய அணு ஆயுதப் பயிற்சிகளையும் நடத்தியது.