உக்ரைன் தொடர்பான அமெரிக்க ரஷ்யா பேச்சுவார்த்தைகளுக்குப் பின்னர்உக்ரைன் அதிபர் வோலோடிமிர் ஜெலென்ஸ்கியை “சர்வாதிகாரி” என்று டொனால்ட் டிரம்ப் அழைத்தார். இது பதட்டங்களை அதிகரித்தது.
உக்ரைன் ஜனாதிபதி வோலோடிமிர் ஜெலென்ஸ்கியை “சர்வாதிகாரி” என்று டிரம்ப் முத்திரை குத்தியதைத் தொடர்ந்து, உக்ரைன் ஜனாதிபதி வோலோடிமிர் ஜெலென்ஸ்கிக்கும் டொனால்ட் டிரம்புக்கும் இடையிலான விமர்சனப் பரிமாற்றம் புதன்கிழமை மேலும் அதிகரித்தது.
நான் உக்ரைனை நேசிக்கிறேன். ஆனால் ஜெலென்ஸ்கி ஒரு மோசமான வேலையைச் செய்துள்ளார். அவரது நாடு நொறுங்கிவிட்டது. மில்லியன் கணக்கானவர்கள் தேவையில்லாமல் இறந்துள்ளனர் என்று டிரம்ப் ட்ரூத் சோஷியலில் ஒரு பதிவில் கூறுகிறார்.
ஜெலென்ஸ்கி வேகமாக (பதவிகனயிலிருந்து) நகர்வது நல்லது. இல்லையெனில் அவருக்கு ஒரு நாடு கூட இருக்காது என்று அவர் மேலும் கூறினார்.
உக்ரைனில் தேர்தல்கள் இல்லாததால், ஜனாதிபதியாக ஜெலென்ஸ்கியின் பங்கு சட்டவிரோதமானது என்று டிரம்ப் குற்றச்சாட்டுகளைத் தொடர்ந்து வைத்தார
அமெரிக்க ஜனாதிபதி ரஷ்யாவின் தவறான தகவல்களை உள்வாங்கி வாழ்கிறார் என்று ஜெலென்ஸ்கியின் முன்னைய கருத்துக்கு பதிலளிக்கும் விதமாக டிரம்பின் கடுமையான வார்த்தைகள் வந்தன.